"भाजप बल्लारपूरचा योग दिन उपक्रम - आरोग्यदायी भारतासाठी एक पाऊल पुढे!"

"भाजप बल्लारपूरचा योग दिन उपक्रम - आरोग्यदायी भारतासाठी एक पाऊल पुढे!"

"सुधीरभाऊंच्या मार्गदर्शनात योग साधनेचा प्रेरणादायी अनुभव!"

आमचा विदर्भ - राजेश अरोरा 

बल्लारपूर (दि. २१ जून २०२५) -

        "विकसित भारताचा अमृत काळ – मोदी सरकारची सेवा, सुशासन आणि गरीब कल्याणाची ११ वर्षे" या अभियानांतर्गत बल्लारपूर येथे आंतरराष्ट्रीय योग दिन उत्साहात साजरा करण्यात आला. भाजप चंद्रपूर ग्रामीण, भाजप बल्लारपूर आणि पतंजली योग समिती बल्लारपूर यांच्या संयुक्त विद्यमाने या कार्यक्रमाचे आयोजन करण्यात आले.

        कार्यक्रमास महाराष्ट्र राज्याचे माजी वनमंत्री आणि ज्येष्ठ भाजप नेते आ. सुधीर मुनगंटीवार प्रमुख पाहुणे म्हणून उपस्थित होते. त्यांनी उपस्थित योग साधकांना मार्गदर्शन करताना सांगितले, "योग हा केवळ आरोग्य टिकवण्याचा मार्ग नाही, तर शरीर, मन आणि आत्म्याच्या संतुलनाचा अधारस्तंभ आहे. निरोगी भारतासाठी प्रत्येकाने योग करावा."

        कार्यक्रमात भाजपचे वरिष्ठ नेते चंदनसिंह चंदेल, माजी नगराध्यक्ष व भाजप जिल्हाध्यक्ष (ग्रामीण) हरीश शर्मा, डॉ. मंगेश गुलवाडे, काशिनाथ सिंह, अँड. रणजयसिंह, निलेश खरबडे, समीर केने, देवेंद्र वाटकर, सतीश कणकम, तसेच योग प्रशिक्षक ऋषिपाल गहलोत उपस्थित होते. या योग सत्रात सुमारे १००० भाजप कार्यकर्ते, विविध संघटनांचे पदाधिकारी, महिला मंडळ, युवक मोर्चा, व अनेक नागरीक सहभागी झाले होते. कार्यक्रमाचे आयोजन अतिशय शिस्तबद्ध आणि सकारात्मक वातावरणात पार पडले.