"गुणवत्तापूर्ण शिक्षणाचा आदर्श - जिल्हा परिषद हायस्कुल राजुरा"

"गुणवत्तापूर्ण शिक्षणाचा आदर्श - जिल्हा परिषद हायस्कुल राजुरा"

यंदाही 87.12% निकाल! ''संस्कृती करमनकर ठरली शाळेत प्रथम!''

आमचा विदर्भ - अनंता गोखरे

राजुरा (दि. १५ मे २०२५) -

        निकालाची परंपरा कायम राखत यावर्षीही जिल्हा परिषद माध्यमिक तथा उच्च माध्यमिक विद्यालय राजुराचा निकाल 87.12% लागला आहे. या शैक्षणिक सत्रात इयत्ता 10 वी मध्ये एकूण 101 विद्यार्थी परीक्षेला बसले होते. यामधून 8 विद्यार्थ्यांनी प्राविण्य प्राप्त केले, 31 विद्यार्थ्यांनी प्रथम श्रेणीत, 42 विद्यार्थ्यांनी द्वितीय श्रेणीत, तर 7 विद्यार्थ्यांनी तृतीय श्रेणीत यश मिळवले.

        शाळेतील गुणवंत विद्यार्थ्यांमध्ये संस्कृती करमनकर हिने 87.40% गुणांसह शाळेत पहिला क्रमांक मिळवला, नैना ढुमणेने 85.20% गुणांसह दुसरा, तर अंजली येगेवार हिने 79.60% गुणांसह तिसरा क्रमांक मिळवला आहे. स्पर्धात्मक युगातदेखील जिल्हा परिषद हायस्कूल राजुरा शैक्षणिक गुणवत्तापूर्ण शिक्षण देण्याची परंपरा कायम ठेवत आहे. निकालानंतर शाळेचे मुख्याध्यापक किशोर उईके आणि सर्व शिक्षक वृंदाने प्राविण्य प्राप्त विद्यार्थ्यांच्या घरी जाऊन त्यांचे अभिनंदन केले.