राष्ट्रीय पब्लिक स्कूलच्या अंश येसांबरे याचे शिष्यवृत्ती परीक्षेत उज्वल यश

राष्ट्रीय पब्लिक स्कूलच्या अंश येसांबरे याचे शिष्यवृत्ती परीक्षेत उज्वल यश

आमचा विदर्भ - दीपक शर्मा

राजुरा (दि. २८ एप्रिल २०२५) -

        महाराष्ट्र परीक्षा परिषद, पुणे मार्फत घेण्यात आलेल्या पूर्व उच्च प्राथमिक शिष्यवृत्ती परीक्षेचा निकाल काल जाहीर झाला. या परीक्षेत राष्ट्रीय पब्लिक स्कूल, बामणवाडा-राजुरा येथील पाचवी इयत्तेतील विद्यार्थी अंश बाबाराव येसांबरे याने यश संपादन करत पात्रता प्राप्त केली आहे. शाळेचे संस्थापक मोहम्मद मेहमूद मुसा, अध्यक्ष नदीम शेख आणि मुख्याध्यापिका सौ. स्वाती वाघमारे यांनी अंशचा सत्कार करत त्याचे अभिनंदन केले. त्यांनी अंशला पुढील स्पर्धा परीक्षांमध्येही यश मिळवण्याच्या शुभेच्छा दिल्या.

        अंश हा अतिशय होतकरू व हुशार विद्यार्थी असून, शाळेत दरवर्षी घेण्यात येणाऱ्या विविध स्पर्धांमध्ये तो नेहमीच अव्वल स्थान पटकावतो. त्याच्या यशामुळे आई-वडिलांनी मुख्याध्यापिका, शिक्षकवृंद व शालेय प्रशासनाचे मन:पूर्वक आभार मानले आहेत. सत्कार समारंभाच्या वेळी शाळेतील सर्व शिक्षकही उपस्थित होते व त्यांनी अंश येसांबरेचे विशेष कौतुक केले. अंशच्या या यशामुळे शाळेचे नाव उज्ज्वल झाले असून, त्याच्याकडून भविष्यात आणखी मोठ्या यशाची अपेक्षा व्यक्त केली जात आहे.