श्रीराम नवमी निमित्त पालखी सोहळा

श्रीराम नवमी निमित्त पालखी सोहळा

पंचमुखी नंदीगड देवस्थान हिरापूर चे आयोजन

आमचा विदर्भ - अनंता गोखरे

गडचांदूर (दि. ०७ एप्रिल २०२५) -

        श्रीराम नवमी निमित्त पंचमुखी नंदीगड देवस्थान, हिरापूर येथे उत्साहात व भक्तिभावाने पालखी सोहळा आयोजित करण्यात आला होता. या भव्य सोहळ्याचे प्रमुख आकर्षण म्हणजे सुंदर सजवलेली दमनी पालखी, संत वामन बाबांचे मार्गदर्शन आणि विविध भजन मंडळींचा सहभाग. सकाळी पहाटे ४.१६ वाजता प्रभू श्रीराम, माता सीता, लक्ष्मण, श्री हनुमान व श्री साईबाबा यांच्या मूर्तींची प्राणप्रतिष्ठा संत वामन बाबा यांच्या हस्ते विधिपूर्वक पार पडली. या पवित्र सोहळ्याला भाविकांची मोठ्या प्रमाणात उपस्थिती लाभली होती. यानंतर सकाळी १०.१६ वाजता पालखीने हिरापूर गावाच्या दिशेने प्रस्थान ठेवले. या वेळेस संपूर्ण हिरापूर नगरी ‘जय श्रीराम’ च्या गजराने दुमदुमून गेली होती. गावातील रस्त्यांवर रंगीबेरंगी फुलांनी सजावट करण्यात आली होती व भाविकांनी पालखीवर पुष्पवृष्टी केली. या सोहळ्यात ११ हरिसुमन भजन मंडळींनी सहभाग घेत भक्तिगीतांद्वारे वातावरण भक्तिमय केले. दुपारी १.१६ वाजता प्रसिद्ध सप्त खंजरी वादक नयनपाल महाराज शिंदोलिकर यांच्या कीर्तनाचे आयोजन करण्यात आले. त्यांच्या प्रभावी कीर्तनातून संपूर्ण भाविकवर्ग मंत्रमुग्ध झाला. कार्यक्रमाच्या यशस्वी आयोजनासाठी पंचमुखी नंदीगड देवस्थान ट्रस्टचे पदाधिकारी, स्थानिक ग्रामस्थ आणि सेवेकरी यांचे विशेष योगदान लाभले.