लग्नाचे आमिष दाखवून शारीरिक संबंध; आरोपीला अटक

लग्नाचे आमिष दाखवून शारीरिक संबंध; आरोपीला अटक

आमचा विदर्भ - अनंता गोखरे

चंद्रपूर (दि. ५ एप्रिल २०२५)

लग्नाचे आमिष दाखवून तीन वर्षांपासून एका तरुणीशी शारीरिक संबंध ठेवणाऱ्या एका युवकाला भद्रावती पोलिसांनी अटक केली आहे. पीडित तरुणीने पोलिसात दिलेल्या तक्रारीवरून ही कारवाई करण्यात आली. अटक करण्यात आलेल्या आरोपीचे नाव आशिष तुकाराम बारतीने (वय २५, रा. चंदनखेडा) असे आहे. पीडित तरुणी ही २०२१ साली कामानिमित्त भद्रावती येथे आली होती. त्याच काळात आशिष बारतीने तिला भेटून, तिला बाजारात सोडतो असे सांगत गवराळा परिसरात नेले आणि तिथे आपली प्रेमभावना व्यक्त केल्या.

तरुणीने नकार दिल्यानंतरही, "तुला गावाला सोडतो" असे म्हणत तिला भद्रावतीतील एका घरी नेले आणि लग्नाचे आमिष दाखवून तिच्याशी शरीरसंबंध प्रस्थापित केले. त्यानंतर तब्बल तीन वर्षे वेळोवेळी तिच्याशी संबंध ठेवत होता. मात्र, लग्नाचे केलेले आश्वासन खोटे ठरल्याचे लक्षात आल्यावर पीडितेने भद्रावती पोलीस ठाण्यात तक्रार दाखल केली. या तक्रारीवरून भद्रावती पोलिसांनी भारतीय दंड संहितेच्या संबंधित कलमांखाली गुन्हा दाखल करून आरोपीला अटक केली आहे. सध्या या प्रकरणाचा तपास भद्रावती पोलिसांकडून सुरू आहे.