"गडचांदूरच्या युवकांनी राष्ट्रीय पातळीवर दाखवला आपला खेळाचा झंझावात!
गडचांदूरच्या महाराष्ट्र वॉरियर्स व्हॉलीबॉल संघाची राष्ट्रीय स्पर्धेत विजयी घोडदौड
आमचा विदर्भ - धनराजसिंह शेखावत
गडचांदूर (दि. २७ एप्रिल २०२५) -
येथील महाराष्ट्र वॉरियर्स व्हॉलीबॉल संघाने भंडारा येथे झालेल्या राज्यस्तरीय स्पर्धेत प्रभावी कामगिरी करत गोवा येथे आयोजित राष्ट्रीय व्हॉलीबॉल स्पर्धेत प्रवेश मिळविला. या राष्ट्रीय स्पर्धेत संघाने उल्लेखनीय यश संपादन करत गडचांदूर शहराचे नाव उज्ज्वल केले आहे. संघाच्या या घवघवीत यशाबद्दल आमदार देवराव भोंगळे यांने संघाचा पुष्पगुच्छ आणि 5 हजार रुपये देऊन सत्कार केला.
महाराष्ट्र वॉरियर्स संघात आदित्य बिर्ला पब्लिक स्कूलचे विद्यार्थी निमिष उद्धव पुरी, नैतिक नितीन कल्लेवार, सुशांत संपत रापोलु, कृणाल बाबुराव लांजे, अतुल नंदलाल चौधरी, आर्यन संजय कुलमेथे, मंथन श्रीकांत चिव्हाने, अनिरुद्ध नवनाथ मंदे, साकिब कुरेशी, हर्षित संकल्प बोबडे, प्रीत मंदे यांचा समावेश आहे. संघाच्या या यशाबद्दल भाजपचे शहराध्यक्ष अरुण डोहे, सतीश उपलेंचवार, उद्धव पुरी, डॉ. सुभाष चुन्ने, व्यापारी असोसिएशन आणि इतर मान्यवरांनी अभिनंदन केले आहे. गडचांदूर शहराच्या या यशाबद्दल सर्व स्तरातून अभिनंदनाचा वर्षाव होत आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.