कोरपना तालुक्यात भाजप संघटनासाठी एकत्रित शक्तीप्रदर्शन

कोरपना तालुक्यात भाजप संघटनासाठी एकत्रित शक्तीप्रदर्शन

पक्ष संघटन मजबूत करण्यासाठी बैठक संपन्न

आमचा विदर्भ - रवीश शर्मा

चंद्रपूर (दि. २७ एप्रिल २०२५) -

        कोरपना तालुक्यात भारतीय जनता पार्टीच्या वतीने पक्ष संघटन मजबूत करण्याच्या उद्देशाने भव्य बैठकीचे आयोजन विश्रामगृह येथे करण्यात आले. या बैठकीचे अध्यक्षस्थान राष्ट्रीय ओबीसी आयोगाचे अध्यक्ष तथा माजी केंद्रीय गृह राज्य मंत्री हंसराज अहिर यांनी भूषविले.

        बैठकीत हंसराज अहिर यांनी उपस्थित पदाधिकारी व कार्यकर्त्यांना मार्गदर्शन करताना सांगितले की, "कोरपना तालुका हा भाजपचा बालेकिल्ला आहे. येथे आम्ही खासदारकी चार वेळा आणि आमदारकी तीन वेळा जिंकली आहे. त्यामुळे पक्ष संघटन बळकट करण्यासाठी प्रत्येक कार्यकर्त्याने एकनिष्ठपणे काम करावे," असे आवाहन केले.

        बैठकीस प्रमुख पाहुणे म्हणून मा. आमदार संजय धोटे, मा. आमदार सुदर्शन निमकर, भाजप जिल्हा उपाध्यक्ष अरुण मस्की, जिल्हा किसान आघाडी अध्यक्ष राजू घरोटे, भाजप माजी तालुका अध्यक्ष तथा जिल्हा उपाध्यक्ष नारायण हिवरकर तसेच अनेक मान्यवर उपस्थित होते. बैठकीचे संचालन तालुका अध्यक्ष नारायण हिवरकर यांनी केले व आभार प्रदर्शन निलेश ताजने यांनी मानले. भाजप कार्यकर्त्यांचा उत्साह आणि मोठी उपस्थिती या बैठकीत पाहायला मिळाली.