"समाजासाठी उभे ठाकले हात - मानव सेवा समितीचा निर्धार!"

"समाजासाठी उभे ठाकले हात - मानव सेवा समितीचा निर्धार!"

"गडचांदुरमध्ये ‘मानव सेवा समिती’चा शुभारंभ

आमचा विदर्भ - धनराजसिंह शेखावत

गडचांदुर (दि. २३ एप्रिल २०२५) -

        गडचांदुर शहरात समाजसेवा आणि लोकहितासाठी ‘मानव सेवा समिती’ या नव्या संस्थेची स्थापना करण्यात आली. समाजातील दुर्बल, वृद्ध आणि गरजू व्यक्तींना आवश्यक आरोग्यसुविधा, शिक्षण आणि विविध मदतीचे सेवा कार्य हाच या समितीचा मुख्य उद्देश असल्याचे समितीच्या सदस्यांनी सांगितले. समितीच्या स्थापनेच्या पहिल्याच दिवशीच येणाऱ्या मानसून हंगामात वृक्षारोपण, रुग्ण व वृद्धांची आरोग्य तपासणी, तसेच श्मशानभूमीमध्ये शेड आणि शवदाह स्टँडची दुरुस्ती यासाठी गडचांदुर नगर परिषद मुख्याधिकाऱ्यांना निवेदन देऊन चर्चा करण्यात आली.

सेवेचा संकल्प – पहिल्या दिवसापासून कामाला सुरुवात

समितीचे अध्यक्ष मनोज भोजेकर, सदस्य धनंजय छाजेड़, तुलसीराम पानघाटे, डॉ. कुलभूषण मोरे, विकी उरकुडे, जावेद भाई, जाकिर भाई, इशांत चौधरी, स्वप्निल छाजेड़, शैलेश लोखंडे आदी मान्यवरांच्या उपस्थितीत समितीने सामाजिक उपक्रमांना सुरुवात केली.

प्रमुख उपक्रम आणि योजना:

• गरजू रुग्ण व वृद्धांसाठी बैसाखी, सपोर्ट स्टँड, खाटा, स्ट्रेचर इ. आरोग्यसाहित्य मोफत उपलब्ध.
• रोपांची लागवड आणि बैरिकेड्स उपलब्ध करून देणे.
• शमशानभूमीत सुविधांचा अभाव दूर करून, इलेक्ट्रिक शवदाहगृहाची मागणी.
• बेघर, रस्त्यावर राहणाऱ्या व मंदबुद्धी व्यक्तींच्या सेवेसाठी उपाययोजना.
• शिक्षणासाठी गरजूंना मदतीचा हात.

शेवटचा संस्कार – सन्मानाने

       धनंजय छाजेड़ यांनी सांगितले की, वाढत्या इंधन दरांमुळे गरीबांना शेवटच्या संस्कारासाठीही आर्थिक अडचणी येत आहेत. त्यामुळे इलेक्ट्रिक शवदाहगृह उभारणीची गरज अधिकच भासते आणि यासाठी नगर परिषद सकारात्मक असल्याचे मुख्याधिकाऱ्यांनी आश्वासन दिले आहे.