भंगार चोरांची टोळी उघडकीस, ५.७९ लाखांचा मुद्देमाल जप्त

भंगार चोरांची टोळी उघडकीस, ५.७९ लाखांचा मुद्देमाल जप्त

चोरीचे लोखंडी चॅनल व वाहने जप्त

आमचा विदर्भ - दीपक शर्मा 

चंद्रपूर (दि. २७ एप्रिल २०२५) -

        चंद्रपूर शहरात भंगार चोरी करणाऱ्या टोळीवर स्थानिक गुन्हे शाखेने धडक कारवाई करत चोरी गेलेला ५ लाख ७९ हजाराचा मुद्देमाल व गुन्ह्यात वापरलेली वाहने जप्त केली आहेत. २३ एप्रिल २०२५ रोजी रवींद्र विश्वनाथ चहारे रा. पठाणपुरा वार्ड यांनी रामनगर पोलीस ठाण्यात तक्रार दाखल केली होती. त्यांच्या मते, सिव्हिल लाईन, पटवारी ऑफिस परिसरात सुरू असलेल्या रोड बांधकामासाठी ठेवलेले ३१ नग लोखंडी चॅनल सेंट्रींग प्लेट्स अज्ञात व्यक्तींनी चोरी केले होते.

        या तक्रारीवरून गुन्हा नोंदवून तपास सुरू करण्यात आला. २७ एप्रिल २०२५ रोजी स्थानिक गुन्हे शाखेच्या अधिकाऱ्यांनी तांत्रिक पद्धतीने तपास करून, गोल बाजार व तिलक मैदान, चंद्रपूर येथून चार आरोपींना ताब्यात घेतले. आरोपींकडून चोरीस गेलेला लोखंडी माल, एक ई-रिक्शा व मोपेड असा एकूण ५ लाख ७९ हजाराचा मुद्देमाल हस्तगत करण्यात आला आहे. पोलिसांनी आरोपी हर्षद कालीदास मेश्राम वय २४ वर्षे, धनराज सुधार लोणारे वय ३० वर्षे, आशीष भगवाना आल्लेवार वय २४ वर्षे, अमन अजीच शेख वय ३८ वर्षे याना अटक केली आहे. 

        सदरची कारवाई पोलीस अधीक्षक मुम्मका सुदर्शन, अपर पोलीस अधीक्षक रिना जनबंधु यांच्या मार्गदर्शनाखाली, पोलीस निरीक्षक अमोल काचोरे यांच्या नेतृत्वात स्थानिक गुन्हे शाखेच्या पथकाने केली. पथकात पोउपनि विनोद भुरले, मधुकर सामलवार, सुनिल गौरकार, सतिश अवथरे, रजनिकांत पुठ्ठवार, दिपक डोंगरे, प्रशांत नागोसे, किशोर वाकाटे, शशांक बदामवार यांचा समावेश होता.