स्थळ चित्रपटातील भूमिकेसाठी ओमप्रकाश गुंडावार यांचा सन्मान

स्थळ चित्रपटातील भूमिकेसाठी ओमप्रकाश गुंडावार यांचा सन्मान

आमचा विदर्भ - दीपक शर्मा 

राजुरा (दि. २० मार्च २०२५) -

        राजुरा येथील सुप्रसिद्ध नाट्यकलाकार ओमप्रकाश गुंडावार यांनी स्थळ या महिला सक्षमीकरणावर आधारित चित्रपटात रंजूचे वडील, बंडोपंतांची भूमिका प्रभावीपणे साकारली आहे. त्यांच्या उत्कृष्ट अभिनयाची दखल घेत, रामनगर कॉलनीतील नागरिकांनी त्यांचा शाल, श्रीफळ आणि पुष्पगुच्छ देऊन सन्मान केला.

        ७ मार्च रोजी प्रदर्शित झालेल्या या चित्रपटाचे लेखक-दिग्दर्शक जयंत सोमलकर असून, ग्रामीण भागातील महिलांच्या शिक्षण आणि स्वातंत्र्याच्या संघर्षावर हा चित्रपट प्रकाश टाकतो. चित्रपटाला टोरॅन्टो फिल्म फेयर आंतरराष्ट्रीय पुरस्कारासह १५ भारतीय पुरस्कार प्राप्त झाले आहेत. प्रेक्षक आणि समीक्षकांकडून या चित्रपटाला मोठ्या प्रमाणावर सकारात्मक प्रतिसाद मिळत आहे.

        या चित्रपटात राजुरा तालुक्यातील संगीता बावणे यांनी गणेशच्या आईची भूमिका साकारली आहे. ओमप्रकाश गुंडावार यांच्या सन्मान सोहळ्याला माजी नगराध्यक्ष अरुण धोटे, रामबाग समितीचे अध्यक्ष किरण ढुमणे, प्रा. डॉ. संजय गोरे, एड. प्रशांत अटाळकर, किरण बरडे, शशिकांत धनवलकर, श्रीकांत भोयर, सौरभ चौधरी आणि इतर अनेक मान्यवर उपस्थित होते. माजी नगराध्यक्ष अरुण धोटे यांनी ओमप्रकाश गुंडावार यांच्या अभिनयाचे कौतुक करत त्यांना पुढील वाटचालीसाठी शुभेच्छा दिल्या.