कर्जाला कंटाळून युवा शेतकऱ्याची आत्महत्या

आमचा विदर्भ - धनराजसिंह शेखावत, प्रतिनिधी

कोरपना (दि. ०९ सप्टेंबर २०२४) -

        कोरपना तालुक्यातील धानोली (तांडा) येथील शेतशिवारात युवा शेतकऱ्यांनी विष प्राशन करून आत्महत्या केल्याची दुर्दैवी घटना सोमवार दिनांक ०९ सप्टेंबर ला दुपारी बारा वाजताच्या सुमारास उघडकीस आली. हरिदास शेकोबा राठोड (वय ३०) रा. धानोली (तांडा) असे मृतक शेतकऱ्याचे नाव आहे. त्यांने स्वतःच्या शेतात विषारी कीटकनाशक औषध प्राशन केले. दरम्यान त्याला रुग्णालयात दाखल करण्यात आले. यातच उपचारादरम्यान त्याचा मृत्यू झाला.  त्याच्यावर बँकेचे कर्ज होते. आर्थिक विवंचनेमुळे तो कर्ज फेडू शकत नव्हता. त्यामुळे त्यांनी आत्महत्या केली असावी. घटनेचा कोरपना पोलिसांनी पंचनामा केला असून पार्थिवाचे शव विच्छेदन करण्यात आले. घटनेचा पुढील तपास कोरपना पोलीस करत आहे. मृतक शेतकऱ्याच्या मागे पत्नी, आई व एक दीड वर्षाचा मुलगा आहे. या घटनेमुळे सर्वत्र हळहळ व्यक्त होत आहे. 

#aamchavidarbha #jantakibaatnews #vidarbha #news #breakingnews #chandrapur #rajura #ballarpur #korpana #gadchandur #gondpipari  #ballarshah #chimur #bhadravati #warora #nandaphata #kavthala #nagbhid #jiwati #Dhanolitanda #farmer #Shetshiwar #suicide #Suicidebyconsumingpoison #Toxicpesticides #Toxic #pesticides #Hospital #KorpanaPoliceStation