भरधाव ट्रकने दोघांना चिरडले

दुचाकी चालकासहित महिलेचा जागीच करून अंत

आमचा विदर्भ - धनराजसिंह शेखावत, तालुका प्रतिनिधी

कोरपना (दि. 05 जून 2024) -

        सद्यस्थितीमध्ये मागील दीड वर्षापासून राजुरा ते गोविंदपुर या राज्य महामार्गाचे बांधकाम जोरात सुरू असल्याकारणाने वाहतुकीकरिता बऱ्याच ठिकाणी एकतर्फी मार्ग सुरू आहे. शिवाय मार्ग नवीन असल्यामुळे अनेक वाहन भरधाव वेगाने जा - ये करीत असतात त्यामुळे या मार्गावर लहान मोठे अपघात होताच असतात. या अगोदर सुद्धा अनेक अपघात या मार्गावर झाल्याचे निदर्शनास आले आहे. आज सोनुर्ली-वनसडी परिसरात ट्रक क्रमांक MH 34 AB 1173 हा कोरपण्यावरून राजुराच्या दिशेने भरधाव वेगाने येत असताना विरुद्ध बाजूने येत असलेल्या दुचाकी वाहन क्रमांक MH 34 BS 0084 ला मोठ्या अंतरापर्यंत फरकटक नेल्याने दुचाकी वाहन चालक समीर मिळावी वय 25 वर्ष व प्रियंका जितू कुडसंगे वय 20 वर्ष हे दोघे जागीच ठार झाल्याची दुःखद घटना घडली. 

        घटनेची माहिती पोलिसांना कळताच कोरपणा पोलीस स्टेशनचे ठाणेदार येकाळे घटनास्थळी दाखल झाले. घटनेचा पंचनामा करून शव विच्छेदन करिता पाठवण्यात आले. पुढील तपास कोरपणा पोलीस करीत आहे

#aamchavidarbha #vidarbha #news #breakingnews #chandrapur #rajura #accident #rajuragovindpurroad #Statehighway