राजुरा येथे महाराष्ट्र दिन तथा कामगार दिन उत्साहात संपन्न

आमदार सुभाष धोटे यांच्या हस्ते शासकीय ध्वजारोहण

आमचा विदर्भ - दीपक शर्मा

राजुरा (दि. १ मे २०२४) -

        तहसील कार्यालय राजुरा येथे १ मे महाराष्ट्र दिन तथा कामगार दिनाचे औचित्य साधून मुख्य शासकीय ध्वजारोहण लोकप्रिय आमदार सुभाष धोटे यांच्या हस्ते सकाळी ठिक ८ वाजता उत्साहाने पार पडले. यावेळी राष्ट्रगीत आणि महाराष्ट्र गीत गाऊन उपस्थित सर्व मान्यवरांनी, शाळकरी मुलांनी महाराष्ट्राभिमान आणि देशाभिमान व्यक्त केला. आ. सुभाष धोटे यांनी उपस्थित सर्वांना आणि क्षेत्रातील समस्त नागरिकांना महाराष्ट्र दिन तथा कामगार दिनाच्या हार्दिक शुभेच्छा दिल्या. 

          या प्रसंगी माजी नगराध्यक्ष अरुण धोटे, सभापती विकास देवाळकर, उपविभागीय अधिकारी रवींद्र माने, तहसीलदार ओमप्रकाश गौड, मुख्याधिकारी डॉ. सुरज जाधव, पोलीस निरीक्षक योगेश पारधी, उपविभागीय कृषी अधिकारी गिरीश कुलकर्णी, तालुका कृषी अधिकारी विनायक पायघन, नायब तहसीलदार डोणगावकर, गांगुर्डे, तेलंग, मंडळ अधिकारी, तलाठी, कृषी पर्यवेक्षक, कृषी सहायक, कार्यालयीन कर्मचारी, पत्रकार, समाजसेवक, महाविद्यालाचे प्राचार्य, प्राध्यापक, शाळेचे मुख्याध्यापक, शिक्षक, विद्यार्थी आणि स्थानिक नागरिक मोठय़ा संख्येने उपस्थित होते.  (aamcha vidarbha) (vidarbha) (rajura) (chandrapur) 

#flaghoisting #maharashtradin #kamgardin #tahasilofficerajura