यहोवा यिरे फाऊंडेशन तर्फे जागतिक महिला दिन साजरा

पोलीस उपअधीक्षक मंजुषा भोसले यांच्या हस्ते २२ महिलांना आदर्श नारी भूषण पुरस्कार

आमचा विदर्भ - अनंता गोखरे

चंद्रपूर (दि. १८ मार्च २०२४) -

        यहोवा यिरे फाऊंडेशन तर्फै लाचलुचपत विभागाच्या पोलीस उप अधीक्षक सौ. मंजुषा भोसले, गायन सल्लागार डाॅ. सिरीन मवाणी, जागृती महीला मंच सचिव सौ. कल्पना शास्त्रकार यांच्या हस्ते सामाजिक कार्य करणाऱ्या २२ महिलांना आदर्श नारी भूषण पुरस्कार २०२४ देऊन सन्मान करण्यात आला. 

        यहोवा यिरे फाऊंडेशन व आंतरराष्ट्रीय मानवाधिकार व अपराध नियंत्रण परिषद द्वारा जागतिक महिला दिनाचे औचित्य साधून महिला दिन कार्यक्रमाचे आयोजन करण्यात आले होते. यावेळी पुरस्कारप्राप्त महिलांचे अभिनंदन करत लाचलुचपत विभागाच्या पोलीस उप अधीक्षक सौ. मंजुषा भोसले यांनी उपस्थितांशी संवाद साधला. कार्यक्रमात प्रमुख पाहुणे म्हणून सौ. डाॅ. सिरीन मवाणी, सौ.कल्पना शास्त्रकार, यहोवा यिरे फाऊंडेशनच्या अध्यक्ष कु. एलिजा बोरकुटे, अंतराष्ट्रीय मानवाधिकार व अपराध नियंत्रण परिषद दिल्ली चे महाराष्ट्र सचिव डाॅ. रमेशकुमार बोरकुटे, सर्व सामाजिक महिला कार्यकर्त्या उपस्थित होत्या. (aamcha vidarbha) (chandrapur)