दुचाकीच्या डिक्कीतून अडीच लाख उडविले

मुख्य बाजारपेठेतील दुपारची घटना

आमचा विदर्भ - दीपक शर्मा

राजुरा (दि. ५ फेब्रुवारी २०२४) -

        शहरात मुख्य बाजारपेठेत दुचाकीच्या डिक्कीतून अडीच लाख रुपयांची रोकड लंपास केल्याची घटना आज दुपारी बारा वाजताच्या सुमारास घडली असून चोरीच्या संपूर्ण प्रकार सीसीटीव्ही मध्ये रिकॉर्ड झाला आहे. 

         काँग्रेस नेते व पंचायत समितीचे माजी सभापती संतोष चन्ने हे दुपारी १२ वाजताच्या सुमारास मुख्य बाजारपेठेतील हाजी गुलाम हुसेन यांच्या हार्डवेअर दुकानात दुचाकीने दुपारी बारा वाजताच्या सुमारास आले. दुकानासमोर दुचाकी उभी करत त्यांनी डिक्की उघडली आणि डिक्कीतून पाण्याची बॉटल काढून पाणी प्यायले व डिक्की मधून एका पिशवीतून नोटांचे एक बंडल मधून एक बंडल काढून बाकीची रक्कम पिशवीसह डिक्कितच ठेवत दुकानात गेले. याच दरम्यान मास्क लावून एक युवक त्यांचा दुचाकी जवळ येऊन दुसऱ्या दुचाकीजवळ येऊन बसला इकडे तिकडे बघत त्याने काही सेकंदांकरिता मास्क हि हटविला व नंतर त्याने पुन्हा मास्क तोंडावर चढवत दुचाकीच्या इग्निशन मध्ये काहीतरी टाकत डिक्की उघडली व अडीच लाख रोकड असलेली पिशवी काढून पसार झाला. चन्ने हे घरी गेल्यावर त्यांनी पैसे काढण्यासाठी डिक्की उघडली मात्र त्यातील पैशाची पिशवी चोरीला गेल्याचे लक्षात येताच त्यांनी तात्काळ हार्डवेअर दुकान गाठत तेथील सीसीटीव्ही फुटेज तपासले असता एका युवकाने केलेला चोरीच्या संपूर्ण व्हिडिओच समोर आला, याबाबत त्यांनी पोलिसात तक्रार दाखल केली आहे. (aamcha vidarbha) (rajura)