कोरपना तालुक्यातील 'मोहन' पहिल्याच प्रयत्नात पीईटी परीक्षा उत्तीर्ण

आमचा विदर्भ - धनराजसिंह शेखावत

कोरपना (दि. ८ डिसेंबर २०२३) -

        गोंडवाना विद्यापीठ गडचिरोली तर्फे घेण्यात आलेल्या पीईटी परीक्षेचा निकाल नुकताच जाहीर करण्यात आला असून यामध्ये ग्रामीण भागातील समाज कार्यची आवड असलेला कोरपना तालुक्यातील कोठोडा बुज येथील मोहन विलास चुकाबोटलावर यांनी पहिल्याच प्रयत्नात सुयश मिळविले आहे. मोहनने व्यावसायिक समाजकार्य या विषयात पीईटी परीक्षा उत्तीर्ण केली आहे. गोंडवाणा विद्यापीठाकडून घेण्यात आलेल्या पीएचडी प्रवेशासाठी प्रवेश चाचणी म्हणून पीईटी परीक्षेत यश संपादन केले. कोठोडा बूज या गावातून पेट परीक्षा उत्तीर्ण होणारा हा पहिला विद्यार्थी आहे. त्याबद्दल त्याचे सर्वत्र कौतुक होत आहे. मोहनने त्याचे यशाचे श्रेय आई-बाबा, नातेवाईक, मार्गदर्शक, गुरूवर्य आणि मित्र परिवाराला दिले आहे. (Educational) (Korpana) (aamcha vidarbha)