चनाखा गावात भरदिवसा दीड लाखांची चोरी

अज्ञात व्यक्तीविरुद्ध गुन्हा दाखल

आमचा विदर्भ - दीपक शर्मा

राजुरा (दि. २८ ऑक्टॉबर २०२३) -

        विरूर पोलीस स्टेशन अंतर्गत येणाऱ्या चनाखा गावात भरदिवसा दीड लाख रुपयांची चोरी झाल्याने गावात खळबळ माजली आहे. दिनेश रामटेके यांचे चनाखा गावात विहिरगाव रोडवर घर आहे. 26 ऑक्टोबर रोजी दिनेश हा शेतीसाठी मोटारपंप घेण्यासाठी मूल येथे गेला होता. त्यांची पत्नी घराला कुलूप लावून शेतात गेली. घराला कुलूप असल्याचा फायदा घेत अज्ञात चोरट्यांनी कुलूप तोडून घरात प्रवेश करून कपाटातील एक लाख रुपये रोख व सोन्याचे दागिने असा एकूण दीड लाख रुपयांचा ऐवज लंपास केला. दिनेशची मुलगी घरी आल्यावर हा प्रकार उघडकीस आला. विशेष म्हणजे याआधीही त्यांच्या घरातून कापूस चोरीला गेला होता. चोर गावातीलच रहिवासी असल्याचा संशय व्यक्त करण्यात येत आहे. भरदिवसा चोरीच्या घटनेने ग्रामस्थांमध्ये भीतीचे वातावरण निर्माण झाले आहे. घरमालक दिनेश रामटेके यांच्या तक्रारीवरून अज्ञात आरोपीविरुद्ध गुन्हा दाखल करण्यात आला आहे. पुढील तपास विरुर ठाण्याचे ठाणेदार जयप्रकाश निर्मल व पोलीस करीत आहेत. (wirur station) (rajura) (aamcha vidarbha)