राजुरा कृषी उत्पन्न बाजार समिती निवडणूक

871 मतदारांनी केले मतदान

उद्याच्या निकालाकडे सर्वांचे लक्ष

राजुरा कृषी उत्पन्न बाजार समिती निवडणूक

आमचा विदर्भ - दीपक शर्मा द्वारे

राजुरा (दि. 28 एप्रिल 2023) - 

        राजुरा कृषी उत्पन्न बाजार समितीच्या आज झालेल्या निवडणुकीत सोसायटीच्या 11 जागेसाठी 233 मतदारांपैकी 230 मतदारांनी, ग्रामपंचायतीच्या 3 जागेसाठी 559 मतदारांपैकी 553 मतदारांनी, व्यापारी गटातील 2 जागांसाठी 84 मतदारांपैकी 79 मतदारांनी, मापारी गटातून सर्वच्या सर्व 9 मतदारांनी मतदान केले. (All eyes on tomorrow's results) (rajura krushi utpanna bazar samiti rajura)

        या निवडणुकीत काँग्रेस-भाजपची युती होती, मात्र शेतकरी संघटना स्वतंत्रपणे लढली. आता उद्या काय निकाल लागेल याकडे जनतेने लक्ष लागले आहे. यापुर्वी बाजार समिती निवडणुकीत कार्यकर्त्यांची एवढी गर्दी दिसत नव्हती, मात्र यावेळी मतदान केंद्राजवळ दोन्ही पक्षाचे नेते व कार्यकर्ते ठाण मांडून बसले होते. काँग्रेसचे नेते आमदार सुभाष धोटे, भाजपा नेते माजी आमदार अ‍ॅड. संजय धोटे, माजी आमदार सुदर्शन निमकर, माजी नगराध्यक्ष अरुण धोटे हे एका पॅनल कडून आणि माजी आमदार अ‍ॅड. वामनराव चटप हे दुसर्‍या पॅनल कडून प्रत्यक्ष लक्ष ठेवून होते. दोन्ही बाजूंचे कार्यकर्ते आपलाच विजय निश्चित असल्याचा दावा करीत असले तरी नेमका कोणता उमेदवार तसेच कोणत्या पॅनलचा विजय होणार आहे हे उद्याच स्पष्ट होणार आहे. (Congress) (BJP) (shetkari sanghtna) (rajura) (871-voters-voted)