एकाच कुटुंबातील तिघांचा अपघातात मृत्यू

एकाच कुटुंबातील तिघांचा अपघातात मृत्यू

दुचाकी स्वाराला वाचविण्याच्या प्रयत्नात झाला अपघात

ब्रम्हपुरी (दि. १७ एप्रिल २०२३) -

        आपल्या संपूर्ण परिवारासह आयुर्वेदिक औषध घेण्यासाठी स्वतःच्या मालकीच्या गाडीने मध्यप्रदेशातील बैहर येथील कुमादेही येथे जात असताना किरणापुर नजिक नेवरागाव कला येथे झालेल्या अपघातात ब्रम्हपुरी येथील एकाच कुटुंबातील तिघांना जागीच मृत्यू झाला तर दोन चिमुकल्यासह दोन जण गंभीर जखमी असून गोंदिया येथे शासकीय रुग्णालयात उपचार सुरू असून एकाच कुटुंबातील तिघांच्या मृत्यू झाल्याने परिसरात व शहरात हळहळ व्यक्त केली जात आहे. (An accident occurred while trying to save the bike rider) (Bramhapuri)

        ब्रम्हपुरी येथील श्रीनगर कॉलनीतील रहिवाशी सेवानिवृत्त बस चालक विजय गणपत बडोले हे आपल्या परिवारासह काल दिनांक १६/४/२०२३ ला स्वतःच्या चार चाकी वाहनाने मध्यप्रदेशातील बैहर येथील कुमादेही येथे जात असताना किरणापुर नजिक नेवरागाव कला येथे एका दुचाकी वाहनास वाचविण्याच्या प्रयत्नात असताना चालकाचा तोल गेल्याने रस्त्याच्या कडेला असलेल्या झाडाला जाऊन धडक दिली त्या भीषण अपघातात वाहकचालक विजय गणपत बडोले वय ५८ वर्ष हे गंभीर जखमी असून परिवारातील त्यांची पत्नी कुंदा बडोले वय ५२ वर्ष, मुलगा इंजी.गिरीश बडोले वय ३२ वर्ष तर विवाहितमुलगी मोनाली चौधरी (बडोले)यांचा झालेल्या अपघातात जागीच मृत्यू झाला. तर वाहन चालक सेवानिवृत्त विजय बडोले, सून बबिता बडोले आणि दोन लहान चिमुकले नातवंड हे गंभीर जखमी झाले.वाहनांमध्ये एकाच परिवारातील एकूण सहा जण प्रवास करीत होते. 

        गंभीर जखमीना गोंदिया येथील शासकीय रुग्णालयात उपचारार्थ दाखल करण्यात आले. मृतकाचे शवविच्छेदन करून त्यांचे मृतदेह ब्रह्मपुरी येथे आणण्यात आले हे ब्रह्मपुरी तालुक्यातील पहिली घटना आहे एकाच कुटुंबातील तिघांचा मृत्यू त्यांच्या मृत्यूमुळे परिसरात हळहळव्यक्त केली जात आहे. मृतकावर काल रात्र रात्री ११.३०. अंत्यसंस्कार करण्यात आले.त्यांच्या अंत्यविधीला शहरातील नागरिक मोठ्या संख्येने उपस्थित होते.अनेकांना अश्रू अनावर झाले होते.मोठ्या हळव्या अंतकरणाने त्यांना शेवटचा निरोप दिला. आज दिनंक १८/४/२०२३ विजय बडोले यांचा उपचारा दरम्यान मृत्यू झाल्याचे समजते.