गडचांदूरात ऑल इंडिया व्हॉलीबॉल सामान्याचा समारोप

दृढ संकल्प स्पोर्टींग क्लब व भीमसेना बहुउ्देशीय सुधार संस्थेने घेतला होता पुढाकार

आमचा विदर्भ - धनराजसिंह शेखावत तालुका प्रतिनिधी

गडचांदूर (दि. ३० मार्च २०२३) -

        गडचांदूरात दि. २४ ते २६ मार्च दरम्यान तीन दिवसीय ऑल इंडिया व्हॉलीबॉल सामान्यांचे आयोजन दृढ संकल्प स्पोर्टींग क्लब गडचांदूर व भीमसेना बहुउ्देशीय सुधार संस्था गडचांदूर यांच्या संयुक्त विद्यमाने आयोजन करण्यात आले होते. यामध्ये पुरुष गटात प्रथम क्रमांक जय अकॅडमी तामिळनाडू, द्वितीय क्रमांक ऑरेंज सिटी नागपूर तर तृतीय क्रमांक महाराष्ट्र स्पायकर्स यांनी पटकवला. मुलींमध्ये प्रथम क्रमांक एस.आर.एम. युनिव्हर्सिटी चेन्नई, द्वितीय क्रमांक नागपूर व तृतीय क्रमांक जबलपूर यांनी पटकवला. कार्यक्रमाचे उदघाटन आमदार सुभाष धोटे यांच्या हस्ते झाले यावेळी  नगराध्यक्षा सविता टेकाम, कार्यक्रमाचे अध्यक्ष म्हणून नप उपाध्यक्ष शरद जोगी, स्वागताध्यक्ष सचिन भोयर, नगरसेवक अरुण डोहे, रामसेवकजी मोरे, नप मुख्याधिकारी डॉ. विशाखा शेळकी, नगरसेवक सागर ठाकुरवार, पंडित काळे उपस्थित होते. (gadchandur) (sport)

        बक्षीस वितरण राजुरा नपचे माजी नगराध्यक्ष अरुण धोटे, पापय्या पोन्नमावर, डॉ. कुलभूषण मोरे, गडचांदूर नपचे उपाध्यक्ष शरदभाऊ जोगी, नगरसेवक रामसेवकजी मोरे, डॉ. कुलभूषण मोरे, जिप शाळेच्या मुख्याध्यापिका शेख परवीन, सुधीर पिंपळकर, देविदास मुन, सुधाकर बोरकर यांच्या हस्ते करण्यात आले. स्पर्धेच्या यशस्वितेकरिता विनोद तराळे, शिरीष बोगावार, विजय डाहुले, राजूभाऊ खटोड, के.सी. जोशी, सुनिल बोरीकर, निखिल बुरांडे, विक्की मुन, नवीन कंदी, प्रविण चापले, राहुल ठोंबरे, ओम भोयर, वैभव चौधरी, अमरदीप हिरादेवे यांनी परिश्रम घेतले. आभार विक्की मुन यांनी मानले.