अबब किडनीत अर्धा किलोचा खडा

तीन तासांच्या शस्त्रक्रियेनंतर डॉक्टरांनी काढला खडा

आमचा विदर्भ - ब्यूरो रिपोर्ट्स

चंद्रपूर (दि. १६ मार्च २०२३) -

        जिल्ह्यातील एका व्यक्तीच्या किडनीमधून अर्धा किलोचा खडा निघाल्याची घटना समोर आली आहे. प्रभाकर राऊत (वय ५५) यांच्या किडनीमधून डॉक्टरांनी ३ तासांच्या शस्त्रक्रियेनंतर हा खडा काढला. प्रभाकर राऊत हे ब्रह्मपुरी तालुक्यातील तळोधी येथील रहिवासी आहेत. (After three hours of surgery, the doctor removed the stone)

        याबाबतची अधिक माहिती अशी की, प्रभाकर राऊत यांना किडनी स्टोनचा त्रास असल्याने अतिवेदना होऊ लागल्या. कुटुंबियांनी त्यांना लगेच ब्रह्मपुरीतील एका खाजगी रुग्णालयात हलवले. प्राथमिक तपासनंतर डॉक्टरांनी शस्त्रक्रिया करण्याचा सल्ला दिला. त्यानंतर रुग्ण व त्यांच्या नातेवाईकांनी सहमती दर्शवताच डॉ. सुमित जयस्वाल यांनी तीन तासांच्या यशस्वी शस्त्रक्रियेनंतर तब्बल अर्धा किलो वजनाचा खडा बाहेर काढला.