साखरी ग्राम वासियांची आता अवैध दारू विक्री विरोधात जिल्हा पोलिस अधीक्षकांकडे तक्रार

विरेंद्र पुणेकर - आमचा विदर्भ प्रतिनिधी

राजुरा (दि. २५ डिसेंबर २०२२)

        राजुरा तालुक्यातील करोडपती गाव म्हणून ओळख असलेल्या साखरी (वा) येथे गेल्या अनेक महिन्या पासून सरार्स अवैध दारू विक्री ला उधाण आले असून यामुळे ग्रामस्थांना मोठा मनस्ताप सहन करावा लागत आहे. यासंदर्भात नागरिकांनी जिल्हा पोलिस अधीक्षकांकडे लेखी निवेदनाद्वारे तक्रार केली आहे. गावात चौकात खुलेआम अवैध दारू विक्री बंद करावी व संबंधित व्यक्तींवर कारवाई करावी, अशी मागणी लेखी निवेदनाद्वारे केली आहे. (police station rajura)

        साखरी येथील ज्या चौकात अवैध दारू विक्री केली जात आहे. त्यापासून हाकेच्या अंतरावर जिल्हा परिषद प्राथमिक शाळा आहे. जवळच मंदिर आहे. त्यामुळे विद्यार्थ्यांसह भाविकांना व ग्रामस्थांना याचा मोठा मनस्ताप सहन करावा लागत आहे. स्थानिक पोलिसांकडे अधिकृत लेखी तक्रार करूनही त्याकडे हेतुपुरस्पर दुर्लक्ष करण्यात आले. म्हणून जिल्हा पोलिस अधीक्षकांना निवेदन देण्यात आले. गावात सुरू असलेल्या अवैध दारू विक्री बंद करावी, अशी प्रमुख्याने मागणी निवेदनाद्वारे ग्रामस्थांनी केली. याकडे राजुरा पोलिसांनी लक्ष घालून ही अवैध दारू विक्री बंद करणार का हे आता महत्वाचे ठरणारे आहे.