कोरोना काळा नंतर रामपूर येथे प्रथमच नाटकाचे आयोजन

20 नोव्हेंबर ला "सून सांभाळा पाटलीन बाई"

शिवशक्ती नाट्य कला मंडळ रामपूर करीत आहे सादर

आमचा विदर्भ - तालुका प्रतिनिधी

राजुरा -

        शंभर वर्षांची पाश्र्वभूमी असलेल्या झाडीपट्टी रंगभूमीचा विस्तार हा पूर्व विदर्भातील चंद्रपूर, गडचिरोली गोंदिया, भंडारा या चार जिल्हय़ांत आहे. धानाचे भांडार म्हणून ओळखल्या जाणाऱ्या झाडीत धान कापणीला सुरुवात होते, त्याच वेळी दिवाळी नंतर नाट्य प्रयोगाला सुरुवात होते. कोरोना साथीच्या महामारी नंतर जवळपास तीन वर्षानंतर राजुरा तालुक्यातील रामपुरात शिवशक्ती नाट्य कला मंडळ द्वारे आयोजित सून सांभाळा पाटलीन बाई या झाडीपट्टीत प्रसिद्ध नाटकाचे आयोजन २० नोव्हेंबर ला करण्यात येणार आहे.

        या नाटकात हिरालाल पेंटर मुख्य भूमिकेत असून इतरही प्रसिद्ध कलाकार आहेत. या नाटकाचे उदघाटन शिवसेना जिल्हाप्रमुख संदीप गिऱ्हे यांच्या हस्ते होणार असून सग उदघाटक म्हणून पोवनी २ चे व्यवस्थापक सोळंकी साहेब, पोवनी १ चे व्यवस्थापक राव साहेब, शिवसेना राजुरा तालुका समन्वयक बबन उरकुडे यांच्या अध्यक्षतेत उदघाटन समारंभ संपन्न होणार आहे. कोरोना काळानंतर तीन वर्षानंतर आयोजित होत असलेल्या नाटकाला प्रेक्षकांनी उत्तम प्रतिसाद द्यावा असे आवाहन शिवशक्ती नाट्य कला मंडळ रामपूर चे मुख्य आयोजक ग्रापं सदस्य व शिवसेना राजुरा उपतालुका प्रमुख रमेश पुंजाराम झाडे, युवासेना तालुका प्रमुख बंटी उर्फ अमित मालेकर यांनी केले आहे.