अंगणवाडीत पोषण आहार व शैक्षणिक साहित्याचेवाटप

बाळू फाउंडेशन चे संस्थापक अमित महाजनवार यांच्या कन्येचा वाढदिवसा प्रसंगी कुपोषित बालकांना पोषण आहाराचे वाटप

आमचा विदर्भ - कार्यालय प्रतिनिधी

पोंभुर्णा - 

        कुपोषण मुक्ती साठी जन चळवळ उभारणाऱ्या अग्रणी सामजिक संस्थेचे अध्यक्ष अमित महाजनवार यांची कन्या कु. अंशुमती हिच्या वाढदिवसानिमित्त आज पोभूर्णा पंचायत समिती अंतर्गत सातारा तुकुम गावातील दोन कुपोषित बालकांना बाळू पोषण आहार देण्यात आला. तसेच अंगणवाडीतील बालकांना दप्तर, दोन व तीन लाईन्स नोटबुक, पेन्सिल व इतर शैक्षणिक साहित्य वाटप करण्यात आले. पोषणासह बालकांचा शैक्षणिक विकाससुद्धा आवश्यक असल्याचे अमित महाजनवार यांनी या प्रसंगी मत प्रदर्शित केले. यावेळी सौ. अमृता महाजनवार, अजितबाबु, अक्षय सुर्तेकर, अंगणवाडी सेविका, मदतनीस व बालकांचे पालक उपस्थित होते. याच प्रकारे आपले वाढदिवस बाळू संकल्पनेतून कुपोषित बालकांना सकस आहाराचे वाटप करून साजरे केल्यास चंद्रपूर जिल्हा कुपोषण मुक्त होण्यास निश्चितच मदत होईल.