वेकोलीचे घर खाली करण्याचे पत्र मिळाल्याने नागरिक धास्तावले

20 ते 25 वर्षांपासून राहत असलेल्या लोकांना पत्र

डी.एस. ख्वाजा - आमचा विदर्भ प्रतिनिधी

चंद्रपूर -

        शहरातील बाबूपेठ वॉर्डातील बाबा नगर परिसरात काही दिवसांपासून अचानक वेकोलीचे घर खाली करण्याचे पत्र मिळाल्याने मागील वीस ते पंचवीस वर्षांपासून राहणारे नागरिक धास्तावले आहेत. शहरातील बाबूपेठ बायपास मार्गावर वेकोलिचे बंकर होते त्याबाजूला मागिल 20 ते 25 वर्षांपासून लोक तिथे राहत असून सद्यस्थितीत बंकर 8 ते 10 वर्षांपासून बंद आहे, बाबा नगर परिसर मोठ्या प्रमाणात विस्तारला असून साधारण 200 ते 300 पेक्षा जास्त घरांची वस्ती विस्तारली आहे. अश्यातच अचानक घर खाली करा तेही अवघ्या 22 ऑक्टोबरपर्यंत अन्यथा त्यानंतरचा खर्च तुमच्याकडूनच वसूल करू असा नोटीस धडकल्याने बाबा नगरवासीय धास्तावले आहेत. वेकोलिच्या निर्णयाने बाबा नगरवासी दहशतीत रयतवारी सब एरियाचे संपदा अधिकाऱ्यांचे बाबा नगरवासीयांना पत्र आले की महाकाली कॉलरी सुरक्षा अधिकाऱ्यांची तक्रार आहे. वेकोलिच्या अधिनस्त असलेल्या एमईसीएल, सँड बंकर, महाकाली कॉलरी च्या बाजूची जागा सर्वे क्रमांक 469/5 या जागेवर अतिक्रमण केलेले असून ते अधिनियम 5 (अ) च्या उपकलम 1 च्या विरुद्ध असून 22/10/22 पर्यंत हटण्यात यावे तसेच काही तक्रारी असल्यास 22 ऑक्टोबर 4:15 पर्यंत वेकोलिच्या कार्यालयात भेटावे असे सांगण्यात आले आहे. 20 ते 25 वर्षांपासून राहणारे नागरिक आता कुठे आपला निवारा शोधणार. सर्व मोलमजुरी करून राहणाऱ्या वर्गासमोर प्रश्नचिन्ह निर्माण झाले आहे.