राजुरा ते बामणी महामार्गाची दैनावस्था

महामार्ग प्राधिकरण चे दुर्लक्ष

आमचा विदर्भ - न्यूज नेटवर्क 

राजुरा -

       बामणी ते राजुरा या आंतरराज्य महामार्गाची पावसामुळे दुरवस्था झाली आहे. हा मार्ग सध्या राष्ट्रीय महामार्ग म्हणून घोषित झाला आहे. त्यामुळे याची दुरुस्ती राष्ट्रीय महामार्गाच्या अभियंत्यांमार्फत करावी लागते. सर्वसामान्य जनतेला पावसामुळे खड्ड्यातून साचलेल्या पाण्यातूनच प्रवास करावा लागत आहे. मोठ मोठे खड्डे पडल्यामुळे वाहनचालकांना पाऊस पडला की, खड्डयात साठलेल्या पाण्याचा अंदाज येत नसल्यामुळे नेहमीच अपघात होत आहेत. सुमारे एका महिन्यापासून खड्यांचा त्रास वाहनचालकांना सहन करावा लागत आहे. हा मार्ग तेलंगणा व आंध्र प्रदेशकडे जाण्याचा एकमेव मार्ग आहे. त्यामुळे या मार्गाची दुरुस्ती करणे आवश्यक आहे. मात्र महामार्ग प्राधिकरण चे या जीवघेण्या खड्याकडे दुर्लक्ष होत असल्याने महामार्ग प्राधिकरण व लोकप्रतिनिधी यांच्या विरुद्ध असंतोष पसरत आहे.