अबब! मासे पकडत असतांना मोठा अजगर जाळ्यात फसला

जाळ्यातून काढत अजगरास दिले जिवनदान

आमचा विदर्भ - न्यूज नेटवर्क

ब्रम्हपुरी -

देलनवाडी तलावात सकाळी मासेमारी करण्याकरिता काही युवक गेले असता मासेमारी करीत असताना त्यांच्या जाळ्यात एक मोठा अजगर अडकला. मोठ्या अजगराला जाळ्यात बघताच घाबरलेल्या काही युवकांनी वस्तीत पळ काढला व अजगर जाळ्यात फसल्याची माहिती वाऱ्यासारखी गावात पसरली त्यामुळे अजगराला बघण्याकरिता लोकांची एकच गर्दी झाली होती. येथील काही युवकांनी अथक प्रयत्न करत अजगर ला सुरक्षित बाहेर काढले. वनरक्षक यांच्या उपस्थितीत अजगराची तपासणी करून सुरक्षितपणे गुप्तठिकाणी सोडून देण्यात आले. या बचाव कार्यात युवकांनी विशेष सहकार्य केले.