गडचांदूर शहरात नवरात्रची धूम

धनराजसिंह शेखावत - आमचा विदर्भ प्रतिनिधी

गडचांदूर -

कोरोना मुळे 2 वर्ष नवरात्र उत्सव उत्साहात साजरा करता आला नाही. मात्र यावर्षी कोरोना चे निर्बंध उठविल्यामुळे नवरात्र उत्सव  मोठ्या उत्साहात साजरा करण्यात येत आहेत. गडचांदुर शहरातील अचानक मंदिर, कन्यका मंदिर व अमलनाला रोडवरील भवानी माता व महालक्ष्मी मंदिरात महिला भाविकांची मोठी गर्दी दिसून येत आहेत.

शहरात 40 व ग्रामीण भागात 75 सार्वजनिक मंडळांनी दुर्गादेवी व शारदादेवी ची प्राणप्रतिष्ठा केली आहेत. शहरातील प्रमुख रस्ते आकर्षक विद्दुत रोषणाई ने चमकत आहे. दांडिया खेळायला आणि बघण्यासाठी प्रचंड गर्दी होत आहेत. दुर्गा मंडळ तर्फे विविध प्रकारच्या स्पर्धा चे आयोजन होत असल्याने महिलांचा उत्साह वाढला आहे. शांतता व सुव्यवस्था च्या दृष्टीने गडचांदुर पोलीससांनी चोख बंदोबस्त  ठेवला आहे. उपविभागीय पोलिस अधिकारी सुशीलकुमार नायक, पोलीस निरीक्षक सत्यजीत आमले जातीने लक्ष देत आहेत.