जिप उच्च प्राथमिक शाळा सिंधीचा 'मोहित' राज्यस्तरावर

'इको फ्रेंडली कटर' या प्रतिकृतीत आला प्रथम क्रमांक

आमचा विदर्भ - तालुका प्रतिनिधी

राजुरा -

दि. 10 ते 15 सप्टे. 2022 दरम्यान झालेल्या (ऑन लाईन) 59व्या जिल्हास्तरीय विज्ञान प्रदर्शनात प्राथमिक विभाग आदिवासी गटातून जिल्हा परिषद उच्च प्राथ.शाळा पंस राजुरा चा विद्यार्थी मोहित विजय वडस्कर याचा 'इको फ्रेंडली कटर' या प्रतिकृतीचा प्रथम क्रमांक आला आहे. आता तो राज्यस्तरावर होणाऱ्या विज्ञान प्रदर्शनात चंद्रपूर जिल्ह्याचे प्रतिनिधित्व करणार आहे. मोहितला शाळेतील विज्ञान शिक्षिका रंजीता चापले, मुख्याध्यापक साईकृष्ण बुजोने, विरेनकुमार खोब्रागडे, गणपत चव्हाण, श्वेता माकोडे यांचे मार्गदर्शन लाभले.

मोहितच्या यशाबद्दल राजुरा पंचायत समितीचे संवर्ग विकास अधिकारी हेमंत भिंगारदिवे, गट शिक्षण अधिकारी मनोजकुमार गौरकार, विस्तार अधिकारी संजय हेडाऊ, केंद्र प्रमुख केवलदास तोडे यांनी मोहित चे आणि मार्गदर्शक शिक्षकांचे अभिनंदन केले आहे.