13 सप्टेंबर पासून कोरपना व जिवती तालुक्यात कृष्ठरोग व क्षयरोग शोध मोहीम

13 सप्टेंबर पासून कोरपना व जिवती तालुक्यात कृष्ठरोग व क्षयरोग शोध मोहीम

धनराजसिंह शेखावत - आमचा विदर्भ प्रतिनिधी

कोरपना -

सार्वजनिक आरोग्य विभागामार्फत 13 सप्टेंबर ते 30 सप्टेंबर पावेतो कोरपना व जिवती तालुक्यात कृष्ठरोग शोध मोहीम व सक्रिय क्षयरोग रुग्ण शोध मोहीम राबविण्यात येणार आहे. या मोहिमेत समाजातील जनमानसात कृष्ठरोग व क्षयरोग या आजाराबद्दल माहिती, लक्षणे व उपचार याबद्दल जनजागृती करण्यात येणार आहेत. असे रुग्ण शोधून त्यांच्यावर तातडीने उपचार करणे व या रोगाचा होणार प्रसार कमी करणे हे मुख्य ध्येय आहे.

कृष्ठरोग व क्षयरोग चे लक्षणे दिसून येताच रुग्णांनी प्राथमिक आरोग्य केंद्रात जाऊन किंवा गृहभेट देण्यासाठी येणाऱ्या आरोग्य सेवकांकडून तपासणी करून उपचार करून घ्यावे असे आवाहन कोरपना व जिवती तालुक्याचे तालुका आरोग्य अधिकारी डॉ स्वप्नील टेम्भे यांनी केले आहे.

या शोध मोहिमेत कृष्ठरोग व क्षयरोग आजाराबद्दल माहिती, तपासणी, आरोग्य पथकाद्वारे करण्यात येणार असून या पथकातआशा कार्यकर्ता पुरुष स्वयंसेवक घरोघरी जाऊन तपासणी करणार आहे, संशयित आढळून येणाऱ्या रुग्णांचे थुंकी नमुने प्राथमिक आरोग्य केंद्र, नारंडा, जिवती, पाटण तसेच ग्रामीण रुग्णालय गडचांदूर व कोरपना येथे तपासणी करीता पाठविले जाईल. तरी नागरिकांना या मोहिमेला सहकार्य करावे असे आवाहन तालुका आरोग्य अधिकारी डॉ. स्वप्नील टेम्भे यांनी केले आहे.