विविध ठिकाणी चोरी व घरफोडी करणाऱ्या आरोपीस अटक

विविध ठिकाणी चोरी व घरफोडी करणाऱ्या आरोपीस अटक 

गडचांदूर पोलिसांनी केले गजाआड

आरोपीकडून फॅशन प्लस मोटरसायकल  जप्त

धनराजसिंह शेखावत - आमचा विदर्भ प्रतिनिधी

गडचांदूर -

चोरी, घरफोडी, खून या सारख्या गुन्हे करणाऱ्या कुख्यात व सराईत रेकॉर्डवरील गुन्हेगार संतोष उर्फ बल्ली अंजु दुर्गे वय २९ वर्ष रा. गडचांदुर हा मागील काही दिवसापासून चंद्रपुर जिल्यातील पोलीस स्टेशन बल्लारशा, चंद्रपुर शहर, मुल ईत्यादी ठिकाणी चोरी व घरफोडी सारखे गुन्हे करुन मागील काही दिवसापासुन फरार होता.

२ जुलै रोजी रात्रौ दरम्यान गडचांदूर पोलीसांना गुन्हेगार संतोष उर्फ बल्ली अंजु दुर्गे याचेबाबत गोपनिय माहीती मिळाली. त्या आधारे पोलीस स्टेशन गडचांदूर येथील अधिकारी / अंमलदार यांनी अत्यंत जलदगतीने कर्तव्य तत्परता दाखवुन मिळालेल्या बातमीदारांकडुन माहीतीच्या आधारे गुन्हेगार संतोष उर्फ बल्ली अंजु दुर्गे यास गडचांदूर याला मुक्ती धाम परिसरातून ताब्यात घेतले, तेव्हा त्याचे जवळ एक धारधार चाकु अवैद्यपणे मिळाला असता पोलीसांनी पंचनामा कार्यवाही करुन त्याचे विरुध्द भारतीय हत्यार कायदा अन्वये गुन्हा नोंदवुन त्यास अटक केले. सदर आरोपीकडून एक फॅशन प्लस मोटरसायकल पण जप्त केली आहे. नमुद आरोपीने पोलीस स्टेशन गडचांदुर येथे चौकशी दरम्यान सांगीतले की, त्याने पोस्टे चंद्रपुर शहर येथे तिन गुन्हे, पो.स्टे बल्लारशा, मुल येथे चोरी व घरफोडीचे गुन्हे केल्याचे कबुल केले. तसेच नमुद आरोपी कडुन पुन्हा चोरीचे गुन्हे उघडकिस येण्याची शक्यता आहे. 

सदरची कार्यवाही पोलीस अधिक्षक अरविंद साळवे, अपर पोलीस अधिक्षक शेखर देशमुख, उपविभागीय पोलीस अधिकारी सुशिलकुमार नायक यांचे मार्गदर्शनात पोलीस निरीक्षक सत्यजित आमले, सपोनि प्रमोद शिंदे, नापोशि धर्मराज मुंडे, पोशि विजय कोटनाके, तिरूपती माने, संदीप थेरे, प्रभु मामीलवाड, महेश चव्हाण यांनी केली.