वेदनादायी प्रवास करून तिने जुळ्या बाळांना दिला जन्म

वेदनादायी प्रवास करून तिने जुळ्या बाळांना दिला जन्म

पुराच्या पाण्यामुळे वाहतूक बंद असल्याने धोक्यात पडले होते तीन जीवन

धनराजसिंह शेखावत - आमचा विदर्भ प्रतिनिधी

गडचांदुर -

कोरपना तालुक्यातील नांदा फाटा येथील एक गर्भवती महिलेलाप्रसूती वेदना सुरू झाल्याने तिला गडचांदुर येथील ग्रामीण रुग्णालयात हलविण्यात आले. परंतु गंभीर स्थिती बघता डॉक्टरांनी तिला चंद्रपूर जिल्हा रुग्णलयातील नेण्यास सांगितले. संपूर्ण चंद्रपूर जिल्हात गेल्या पाच दिवसांपासून जोरदार पाऊस सुरू असल्याने राजुरा- चंद्रपूर व राजुरा-सास्ती  हे चंद्रपूर जाणारे दोन्ही वाहतूक मार्ग पुरामुळे बंद झाले होते. अश्या विषम परिस्थितीत  गरोदर महिलेला ट्रेन ने बल्लारपूर नेण्यात आले. नंतर महिलेने चंद्रपूर रुग्णालयात दोन जुड्या बाळांना जन्म दिला.

सविस्तर माहितीनुसार कोरपना तालुक्यातील नांदा येथील रंजनी सुरेश तलांडे या गर्भवती महिलेला प्रसुती वेदना होत होत्या. यांची माहिती प्राथमिक आरोग्य केंद्र नांदाचे आशा सेविका लता गेडाम यांना माहिती देण्यात आली. त्यांनी कोणताही विलंब न करता आटो रिक्शा ने तिला ग्रामीण रुग्णालय गडचांदुर येथे दाखल केले. मात्र त्या गर्भवती मातेची प्रकृती गंभीर असल्याने तेथील वैद्यकीय अधिकारी यांनी चंद्रपूर येथील जिल्हा सामान्य रुग्णालयात जाण्यासाठी सांगितले. मात्र सर्वत्र पुरमयस्थिती असल्याने मुख्यमार्ग बंद होते. तिच्या वेदना वाढत होत्या. अखेर तिला माणिकगड रेल्वे स्थानकावर नेण्यात आले. अश्या विषम परिस्थितीत तिला रेल्वेत बसविण्यात आले. रेल्वेच्या डब्यात शौचालयाच्या बाजुला खाली बसुन तिला बल्लारशहा रेल्वे स्टेशन पर्यंत प्रवास करावा लागला. बल्लारपूर स्टेशन वरून जिल्हा सामान्य रुग्णालय चंद्रपूर येथे पोहचताच तिने कठीण परिस्थातीवर मात करत दोन जुळ्या बाळांना जन्म दिल्याची सुखद बातमी मिळाली आहे.