द्विभाजकाला दुचाकीची धडक एक ठार तर एक जखमी

द्विभाजकाला दुचाकीची धडक एक ठार तर एक जखमी

आमचा विदर्भ - न्यूज नेटवर्क

भद्रावती -

नागपूर चंद्रपूर महामार्गावरील लोणारा गावाजवळ द्विभाजकाला धडक दिल्याने दुचाकीस्वार युवक जागीच ठार झाला तर दुचाकीवर मागे बसलेला जखमी झाल्याची घटना गुरुवारला रात्री १० .३o वाजता दरम्यान घडली.

अजिंक्य पंढरी खिरटकर वय २२ वर्षे रा. यश मंगल कार्यालया जवळ विजासन असे अपघातात मृत्यू झालेल्याचे नाव आहे. तर आशीष दिवाकर गौरकर वय २७ वर्ष रा. भद्रावती असे जखमीचे नाव आहे. हे दोघे मित्र दुचाकी एमएच ३४ एझेड ६९१४ या वाहनाने चंद्रपूर येथून भद्रावती कडे येत असताना त्यांच्या वाहनाचे संतुलन बिघडले व लोणारा गावाजवळील द्विभाजकाला त्यांनी जबर धडक दिली यात अजिंक्य यांचा जागीच मृत्यू झाला तर आशीष हा गंभीर जखमी झाला असून त्याचा खासगी रुग्णालयात उपचार सुरू आहे या घटनेची माहिती पोलिसांना देण्यात आली पोलीस ताबडतोब पोहचून घटनेचा पंचनामा केला. पुढील तपास भद्रावती पोलीस करीत आहे.