ट्रक ने उडविले दुभाजकावरील सात पोल

ट्रक ने उडविले दुभाजकावरील सात पोल

आमचा विदर्भ - न्यूज नेटवर्क 

सावली -

गडचिरोली वरून चंद्रपूर कडे जाणारा ट्रक क्रमांक MH 16 AY 9729 जात असताना चालकाचे वाहनाचा स्टेरिंग वरून नियंत्रण सुटल्याने व्याहड खुर्द येथील रस्त्याच्या दुभाजकावर ट्रक चढला. यामुळे त्या ठिकाणी असलेले इलेक्ट्रिकचे सात पोल ट्रकने उडवून दिले यात महावितरण कंपनीचे दहा लाखाचे नुकसान झाले असल्याचे सांगितले जाते.

ज्या जागेवर हा अपघात झाला त्या ठिकाणी मोठ्या प्रमाणात नागरिकांची गर्दी झाली होती. यामुळे रस्त्याच्या दोन्ही बाजूला वाहनाच्या रांगाच रांगा लागल्या होत्या. या घटनेची माहिती सावली पोलिसांना देण्यात आली. पोलिसांनी घटनास्थळावर येऊन गर्दीला पांगविले व रस्ता सुरु करून ट्रक ताब्यात घेतला आणि ट्रक चालकाविरुद्ध गुन्हा दाखल केला. पुढील तपास सावली पोलीस स्टेशनचे ठाणेदार करीत आहे.