नौकरीचे आमिष दाखवून दोन तरुणीची 15 लाखांनी फसवणूक
वणी -
वनविभागात नौकरी लावून देतो पैसे द्यावे लागेल असे सांगून दोन तरुणीची तब्बल 15 लाखांनी फसवनुक केल्याची घटना नुकतीच उघडकीस आली. रुपाली दादाजी ठमके वय 28 वर्ष रा. केसूर्ली ता. वणी व तीची मैत्रीण सपना झाडे वय 20 वर्ष रा. भालर वसाहत ता. वणी असे फिर्यादीचे तर विलास नामदेव मेडके वय 36 रा. जामणकर नगर असे आरोपीचे नावं आहे. दोन वर्षांपूर्वी रुपालीच्या वडिलाचे निधन झाले. सन 2016 मध्ये ती काही कामानिमित्ये यवतमाळ येथे गेली होती, यावेळेस विलास मेडके यांच्याशी तरुणीसह मैत्रीण सपना झाडे या दोघीची यवतमाळ येथील बसस्टॅन्ड जवळ ओळख झाली व आरोपीनी वनविभागात लिपिक पदाची जागा रिक्त असून वनविभागात नौकरी लावून देतो परंतु पैसे द्यावे लागेल असे सांगितले. यामुळे रुपालीने 2 लाख 30 हजार व 5 लाख 20 हजार असे एकूण 7 लाख 50 हजार तर सपनाने 2 लाख व 5 लाख 50 हजार असे 7लाख 50 हजार असे दोघीकडून सन 2016 ते 2021 या कालावधीत एकूण 15 लाख घेतले. नौकरी बाबत विचारणा केली असता उडवाउडवीची उत्तर दिली यामुळे त्या मुलींना संशय आला व त्यांनी अवधूतवाडी पोलीस स्टेशनला तक्रार दाखल केली.तक्रारीवरून पोलिसांनी आरोपी विरुद्ध फसवणुकीचा गुन्हा दाखल करून तपास सुरु केला.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.