सेवानिवृत्त शिक्षक बंडु धोटे यांना प्रदीर्घ सेवेनंतर भावपूर्ण निरोप

सेवानिवृत्त शिक्षक बंडु धोटे यांना प्रदीर्घ सेवेनंतर भावपूर्ण निरोप

धनराजसिंह शेखावत - आमचा विदर्भ प्रतिनिधी

गडचांदूर -

महात्मा गांधी विद्यालय, गडचांदूर येथील जेष्ठ शिक्षक बंडु धोटे प्रदीर्घ सेवेनंतर 30 जून ला सेवानिवृत्त झाल्यामुळे संस्थेच्या वतीने त्याना भावपूर्ण निरोप देण्यात आला.

निरोप व सत्कार समारंभचा अध्यक्षस्थानी संस्थेचे जेष्ठ संचालक विठ्ठलराव थिपे होते तर प्रमुख पाहुणे म्हणून संस्थेचे प्रभारी सचिव धनंजय गोरे, संचालक विकास भोजेकर, रामचंद्र सोनपितरे, मुख्याध्यापिका तथा प्राचार्या सौ. स्मिताताई चिताडे, उपप्राचार्य विजय आकनूरवार, उपमुख्याध्यापक अनिल काकडे,पर्यवेक्षक एच.बी. मस्की, एमसीव्हीसी विभागाचे प्रमुख प्रा.अशोक डोईफोडे होते.

34 वर्षे प्रदीर्घ सेवा केल्या नंतर सेवानिवृत्त झालेले बंडु धोटे यांचा शाल, श्रीफळ, पुष्पगुच्छ देऊन मान्यवरांच्या हस्ते गौरविण्यात आले. याप्रसंगी लता घाटे, वैशाली हेपट, संजय पोगुलवार यांनी बंडु धोटे यांच्या कार्याची माहिती दिली. उपस्थित पाहुण्यांनी बंडु धोटे यांच्या सामाजिक, शैक्षणिक, राजकीय कार्याची प्रशंसा करून पुढील कारकिर्दीसाठी शुभेच्छा दिल्या. बंडु धोटे यांनी सत्काराला उत्तर देताना शाळा व संस्थेबद्दल कृतज्ञता व्यक्त केली.

संचालन पर्यवेक्षक एच. बी. मस्की यांनी केले तर आभार तुकाराम धुर्वे यांनी मानले. कार्यक्रमात शिक्षक व शिक्षकेत्तर कर्मचारी सहभागी झाले होते.