विषारी साप चावल्याने विवाहितेचा मृत्यू

विषारी साप चावल्याने विवाहितेचा मृत्यू

विरेंद्र पुणेकर - आमचा विदर्भ प्रतिनिधी

राजुरा -

राजुरा तालुक्यातील वरोडा-साखरी गावलागतच्या शांती नगर गावातील एका महिलेचा सर्पदंशाने मृत्यू झाल्याची घटना घडली. 

सिंधू विकास गायकवाड असे सर्प दंशाने मृत झालेल्या नाव असून तिच्या या दुर्दैवी मृत्यूने सात मुले पोरकी झाली आहे. वरोडा गावाजवळील शांती नगर गावात गायकवाड दाम्पत्य वास्तव्यास आहे. त्यांच्याकडे शेती नसल्याने मोलमजुरी करून पोटाची खळगी भरत आहे. रात्री सिंधू सह विकास हे दाम्पत्य झोपेत असतांना अचानक रात्री ११ वाजताच्या सुमारास सिंधू गायकवाड या ४० वर्षीय महिलेला विषारी सापाने दंश केला लगेच तिला ग्रामीण रुग्णालयात भरती करण्यात आले पण तिला मृत घोषित करण्यात आले. तिच्या या दुर्दैवी मृत्यूने सात मुले आईविना पोरकी झाली आहे. अत्यंत हलाखीच्या परिस्थितीत जीवन जगणाऱ्या या कुटूंबाला शासनाने मदत करावी अशी मागणी ग्रामस्थांनी केली आहे.