नविन चंद्रपूर म्हाडाच्या गटार योजनेची संरक्षक भिंत पहिल्या पावसात कोसळली

नविन चंद्रपूर म्हाडाच्या गटार योजनेची संरक्षक भिंत पहिल्या पावसात कोसळली

निकृष्ट कामाचा पुरावा, राजेश बेले यांचा आरोप 

उच्च स्तरीय चौकशी समितीचा अहवाल येणार लवकरच

डी.एस. ख्वाजा - आमचा विदर्भ प्रतिनिधी 

चंद्रपूर -

नविन चंद्रपूर म्हाडा परिसरातील ५३ कोटी २९ लाख २२ हजार रुपयांच्या मलनिस्सारण गटार वाहिनी व एसटीपी २४ एमएलडी व ८ एमएलडी या म्हाडा अंतर्गत कामात निकृष्ठ दर्जाची सामग्री वापरण्यात येत आहे. कंत्राटदाराच्या भ्रष्टाचारात सहभागी असल्याने म्हाडाचे अधिकारी निकृष्ट कामाची पाठराखण करीत आहे. अशी तक्रार व उपोषण आंदोलन नंतर उच्च स्तरीय चौकशी समिती गठीत होउन चौकशी करण्यात आली व समितीचा अहवाल येत्या दोन ते तीन दिवसांत येणार असताना पहिल्या पावसात गटार योजनेची संरक्षक भिंत कोसळली आहे. यामुळे योजनेची ‌‌‌‌‌काम निकृष्ट दर्जाचे असल्याचे दिसून येत आहे असा आरोप संजीवनी पर्यावरण व सामाजिक संस्थेचे अध्यक्ष राजेश बेले यांनी प्रसिद्धी पत्रकाद्वारे केला आहे.

नविन चंद्रपूर म्हाडाच्या गटार योजनेची चौकशी करण्यात यावी या मागणीसाठी संजिवनी पर्यावरण सामाजिक संस्थेचे अध्यक्ष राजेश बेले जिल्हाधिकारी कार्यालय समोर अन्नत्याग आंदोलन केले होते. पालकमंत्र्यांनी निर्देश दिल्याने. जिल्हा प्रशासनाने उच्च स्तरीय चौकशी समिती गठीत केली. समितीला १५ दिवसात बेले यांनी आक्षेप घेतलेल्या प्रत्येक मुद्दा बाबत सखोल चौकशी, तपासणी व याबाबत लेखी अहवाल सादर करण्याचे आदेश जिल्हाधिकारी यांनी दिले. हा चौकशी अहवाल येत्या दोन दिवसांत येणार आहे. मात्र पहिल्याच पावसात गटार योजनेची संरक्षक भिंत कोसळली असल्याने कामाचा निकृष्ट दर्जाचा पुरावा समोर आल्याचा आरोप राजेश बेले यांनी केला असून संरक्षक भिंत पडल्याने सदर निकृष्ट दर्जाच्या कामाची चौकशी करण्यात यावी अशी मागणी  राजेश बेले यांनी केली आहे.