नांदा फाटा येथे मुख्य रस्त्याच्या मध्यभागी लावले बैरिकेट

नांदा फाटा येथे मुख्य रस्त्याच्या मध्यभागी लावले बैरिकेट

रस्त्यावर पडले मोठमोठे खड्डे - बांधकाम विभागाचे पूर्णता दुर्लक्ष

धनराजसिंह शेखावत -  प्रतिनिधी

गडचांदूर -

गडचांदूर ते नांदा फाटा ह्या रस्त्यावर नांदा फाटा येथे मुख्य रस्त्याच्या मध्यभागी मोठ-मोठे खड्डे पडल्याने वाहनधारकांना कमालीचा त्रास सहन करावा लागत आहे. सध्या पावसाळा सुरू असल्याने या खड्ड्यामध्ये एक ते दीड फूट खोल पाणी भरलेले आहे. त्यामुळे लहान वाहनधारकांना अंदाज येत नसल्याने अपघाताची शक्यता वाढलेली आहे. भोयगाव मार्गावरची वाहतूक आवारपुर मार्गे वाढविल्याने या मार्गावर कमालीची वाहनांची रांग धावत असते. विद्यमान आमदार सुभाष धोटे यांच्या प्रयत्नाने रस्ता मंजूर होऊन कामाला सुद्धा सुरुवात झाली. मात्र प्रशासकीय कारणे, ठेकेदाराची मनमानी व पावसाळ्याचे दिवस ही कारणे पुढे दाखवत तो रस्ता बीबी शेजारी येऊन थांबला. त्यामुळे बिबि ते आवाळपुर हा रस्ता जैसे थे स्थितीमध्ये राहिल्या कारणाने तो भविष्यात होईल की नाही अशी शंका सामान्यांच्या मनात निर्माण झाली असून कोणत्याही प्रकारचा अपघात घडू नये याकरिता परिसरातील नवयुवकांनी रस्त्याच्या मध्यभागी गतिरोधक म्हणून बॅरिकेट लावल्याचे चित्र बघायला मिळत आहे. त्यामुळे आता तरी सार्वजनिक रस्ते बांधकाम विभाग उपविभाग गडचांदूर यांनी त्वरित रस्त्यावरील खड्डे बुजवावे अशी मागणी स्थानिकांकडून जोरात होत आहे.