आमचा विदर्भ - न्यूज नेटवर्क
माजरी
वरोरा-वणी मार्गावरील कुचना-पाटाळा मध्ये असलेल्या कोराडी नाल्याच्या पुलाखाली एका अज्ञात इसमाचा मृतदेह आढळून आल्याची घटना उघडकीस आली आहे. घटनेची माहिती माजरी पोलीस स्टेशन येथे देण्यात आली. पोलिसांनी घटनास्थळी जाऊन प्रेताचा पंचनामा केला व पोलीस स्टेशन माजरी येथे मर्ग दाखल केला.
पोलीस डायरी नुसार मृतकाचे अंदाजे वय ५० ते ५५ असून अंगात फिक्कट गुलाबी चौकट शर्ट, निळा पॅन्ट, फुल बाह्यांची बनियन, सळपातळ बांदा, हलकी मिशी, दाडी व केस पिकलेले, अर्धे टक्कल पडलेला आहे तसेच त्याच्या डोक्याला मार आहे या वर्णनाच्या इसमाबाबत कोणाला माहिती असल्यास पोलीस स्टेशन माजरी येथे संपर्क करावा असे आवाहन पोलीसांकडून करण्यात आले आहे.
सदर घटनेची माहिती वरोरा पोलीस स्टेशन येथे देण्यात आली असता वरोरा येथील उपविभागीय पोलीस अधिकारी आयुष नोपाणी घटनास्थळी दाखल झाले व त्यांनी अज्ञात इसमाची हत्या करून नाल्यात फेकले असावे असा संशय व्यक्त करण्यात केला आहे. सदर व्यक्तीची हत्या की आत्महत्या हे सध्या गुलदस्त्यात असून पोलीस मृतकाच्या नातेवाईकांचा शोध घेत आहेत. सदर व्यक्तीचे प्रेत शवविच्छद करण्यासाठी उपजिल्हा रुग्णालय वरोरा येथे पाठविण्यात आले.याचा पुढील तपास उपविभागीय पोलीस अधिकारी आयुष नोपाणी यांच्या मार्गदर्शनात माजरी पोलीस करीत आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.