मासोळीच्या नादात जीव धोक्यात टाकू नये - ठाणेदार ढाकणे यांचे आवाहन

मासोळीच्या नादात जीव धोक्यात टाकू नये - ठाणेदार ढाकणे यांचे आवाहन

पाण्याचा प्रवाह अधिक असल्याने जीवाला धोका होण्याची भीती 

धनराजसिंह शेखावत - आमचा विदर्भ प्रतिनिधी

कोरपना -

वनसडी जवळ असलेल्या पकडीगुड्डम जलाशयावर सतत सात-आठ दिवसापासून होत असलेल्या पावसाने पकडीगुड्डम बांध पूर्णपणे भरून पाणी ओव्हरफ्लो आउटलेट द्वारे बाहेर वाहत आहे. गेल्या दोन दिवसापासून याठिकाणी यात्रेचे स्वरूप आले आहे. परिसरातील अनेक युवक-महिला पकडीगुड्डम जलाशयाच्या सांडव्यावरून वाहणाऱ्या पाण्यातून मासोळी पकडण्यासाठी मोठ्या प्रमाणात गर्दी करत आहे. काल सायंकाळी ठाणेदार यांनी पोलीस ताफ्यासह भेट देऊन पाहणी केली. यावेळी अनेक लोक मच्छरदाणी जाळे व कापडे आडवे बांधून मासोळी पकडत असल्याचे दिसून आले.  सोशल मीडिया वर व्हीडीओ व्हायरल झाल्यामुळे या ठिकाणी मोठ्या प्रमाणावर नागरिकांची व बघ्यांची गर्दीही झाली. मोठ्या प्रमाणात मासोळीवाहून जात असल्याने शेकडो युवक-महिला वेस्ट वेअर वर दोन दिवसापासून मासोळी गोळा करण्याचे काम मोठ्या प्रमाणात करीत आहे. मात्र पाण्याचा प्रवाह अधिक असल्याने जीवाला धोका होण्याची भीती वर्तवली जात आहे, अशी जोखीम घेऊन पाण्यात घुसू नये असे आवाहन कोरपना चे ठाणेदार ढाकणे यांनी केले असून लालसेपायी जीव धोक्यात टाकून जोखीम घेण्याच्या प्रकाराला आला बसावा याकरिता सांडव्यावर पोलीस बंदोबस्त लावण्यात आला आहे.