कर्जबाजारीमुळे युवकाची आत्महत्या

कर्जबाजारीमुळे युवकाची आत्महत्या

आमचा विदर्भ - न्यूज नेटवर्क 

मूल -

कर्जबाजारी व सततच्या नापिकीमुळे सदाशिव प्रकाश भंडारे वय २९ वर्षे रा. नांदगांव असे आत्महत्या केलेल्या युवकाचे नांव आहे.

मूल तालुक्यातील मौजा नांदगांव येथील मनोहर रघुजी भंडारे वय ७० वर्षे यांची नांदगांव येथे शेती असून ती शेती त्यांचे नातु सदाशिव प्रकाश भंडारे हे करीत होते, शेती करण्यासाठी चंद्रपूर जिल्हा मध्यवर्ती सहकारी बॅंक आणि बचत गटाकडुन कर्ज घेतले होते व शेतात धान आणि कपाशीची लागवड केली मात्र संततधार पावसामुळे तिनदा लागवड करूनही काहीही फायदा होत नसल्याने मागील ८ दिवसापासुन तो नैराश्यातून सदाशिव प्रकाश भंडारे वय २९ वर्षे रा. नांदगांव या युवकाने आत्महत्या केल्याची घटना उघडकीस आली आहे. मृतकाचे शुक्रवारी सकाळी ८ वाजताच्या दरम्यान जगदीश मोहुर्ले यांच्या शेतातील शेत तलावात उडी घेवुन आपले जीवन संपविले. त्यांच्या पश्चात मोठा आत्पपरिवार आहे. पोलिसांनी मर्ग दाखल केला असून पुढील तपास मूल पोलीस करीत आहे.