चोर समजून तरुणाला मारहाण

चोर समजून तरुणाला मारहाण

आमचा विदर्भ - न्यूज नेटवर्क

भद्रावती -

भद्रावती तालक्यातील माजरी येथील वॉर्ड नं.1 येथील एका युवकाला महाराष्ट्र सुरक्षा दलाच्या जवानांकडून बेदम मारहाण करण्यात आल्याची घटना उघडकीस आली. तक्रारीवरून माजरी पोलिस ठाण्यात दोन जवानांवर गुन्हा दाखल करण्यात आला आहे. येथील स्वाद बारमध्ये वेटरचा काम करणाऱ्या रविंद्रकमार रामप्रसाद केवट (22) हा घटनेच्या दिवशी आपले काम करून रात्री 10.30 वाजता आपल्या घरी गेला. दरम्यान रात्री झोप येत नसल्याने रेल्वे साइडिंगकडे पायी फिरायला घरातून निघाला. त्याचवेळी गस्तीवर असलेले महाराष्ट्र सुरक्षा दलाच्या दोन सुरक्षा जवानांनी सदर युवकास तू रात्री कशाला फिरत आहे, अशी विचारपूस केली. त्यातील एक सुरक्षा जवानाने लगेच काठीने त्याला मारहाण सुरू केली. त्यावेळेस युवकाने मला कशाला मारहाण करता, अशी विचारणा करीत असतांना सदर जवानांनी काही न ऐकता शिविगाळ करत बेकयदेशीररित्या लाठी-काठीने बेदम मारहाण केली.

दरम्यान सुरक्षा जवानांनी पेट्रोलिंगची गाडी बोलावून त्याला गाडीत बसविले. त्या गाडीत बसलेले इतर जवान त्या युवकास पुन्हा मारण्याची चर्चा करत होते. दरम्यान सदर युवक संधी साधून सुरक्षा जवानांच्या ताब्यातून पळून गेला. या मारहाणीत युवक गंभीर जखमी झाला आहे. याप्रकारणी रवींद्रकुमार केवट हा रविवारी पोलिस स्टेशन गाठून महाराष्ट्र सुरक्षा दलाच्या जवानांविरुद्ध तक्रार दिली. फिर्यादीच्या तक्रारीवरून माजरी पोलिसांनी महाराष्ट्र सुरक्षा दलाच्या प्रशांत सुरडकर, प्रभुदास राठोड यांच्याविरुद्ध 323,504, भादंवि अन्वये गुन्हा दाखल केला आहे.पुढील तपास ठाणेदार यांच्या मार्गदर्शनात सपोनि अजितसिंग देवरे करीत आहे.