सरपंचावर गोळीबार

सरपंचावर गोळीबार

गाडीत असताना अज्ञात इसमाने झाडल्या गोळ्या

आमचा विदर्भ - ब्युरो रिपोर्ट्स

उस्मानाबाद -

उस्मानाबाद जिल्ह्यात सरपंचावर गोळीबार करण्यात आल्याचा धक्कादायक प्रकार घडला आहे. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे. 

​मिळालेल्या माहितीनुसार, फक्राबादचे राष्ट्रवादीचे सरपंच नितीन बिक्कड यांच्या गाडीवर गोळीबार करण्यात आला आहे. या गोळीबारात अज्ञातांनी २ गोळ्या झाडल्या आहेत. सुदैवाने ते गाडीच्या आतमध्ये असल्याने सर्वजण जण सुखरूप आहेत. काल रात्री सुमारास ही घटना घडली. वाशी तालुक्यातील पारा फक्राबाद रोडवर गाडीवर गोळ्या झाडण्यात आल्या. वाशी पोलिसांत अज्ञात आरोपी विरोधात गुन्हा दाखल करण्यात आला आहे. फोटोमध्ये गाडीच्या काचेवर गोळी झाडल्याचे निशाण आहे. पोलीस सध्या या घटनेचा तपास करत असून नितीन बिक्कड यांना मारण्याचा प्लॅन का आखण्यात आला? आणि यामागे कोणाचा हात आहे, याचा पोलीस शोध घेत आहेत.