लॉयड्स मेटल्स कंपनीचा ट्रान्सफार्मर जळून खाक

लॉयड्स मेटल्स कंपनीचा ट्रान्सफार्मर जळून खाक

आमचा विदर्भ - ब्युरो रिपोर्ट्स

घुग्घुस -

शहराला लागून लॉयड्स मेटल्स कंपनी असून या कंपनीच्या आतमध्ये 230 केव्हीचा ट्रान्सफार्मर आहे.या ट्रान्सफॉर्मवरून मुंबई येथे विज देण्यात येते आज सायंकाळी 6.45 वाजताच्या दरम्यान या ट्रान्सफार्मला अचानक आग लागून ट्रान्सफार्म जळून खाक झाला मात्र जिवीत हानी झाली नसून यात वित्त हानीत कंपनीचे करोडो रुपयाचे नुकसान झाल्याचे सांगितले जाते.

आग इतकी भिषण होती की आगीचे लोळ व काळे धुराचे लोट लांब अंतरावरून दिसत होते.आग लागण्यापूर्वी या ठिकाणी मोठा आवाज आला होता यामुळे येथील नागरिकांनी कंपनीच्या सुरक्षा गेट जवळ गर्दी केली होती. आगीने रौद्र रूप धारण केल्यानंतर मोठया प्रमाणात आगीचे लोळ व धुराचे लोट आकाशात लोटले.नगर परिषेदेची अग्निशमन गाडी तात्काळ घटनास्थळी दाखल झाली होती परंतु आग आटोक्यात न आल्याने एसीसी सिमेंट कंपनीची अग्निशमन गाडी बोलाविण्यात आली.यावेळी नागरिकांनी मोठी गर्दी केली होती. यामुळे पोलीस घटनास्थळी दाखल होऊन गर्दीला पांगविण्यात आले होते.