कर्जबाजारीमुळे तरुण शेतकऱ्याने केली आत्महत्या

• कर्जबाजारीमुळे तरुण शेतकऱ्याने केली आत्महत्या

आमचा विदर्भ - ब्युरो रिपोर्ट्स

राजुरा -

राजुरा तालुक्यातील मौजा सुमठाणा येथील तरूण शेतकरी अनिल गणपत डंभारे वय २९ वर्षे यांनी कर्जबाजारीपणामुळे नैराश्यातून आत्महत्या केली. त्याच्या मागे पत्नी, एक मुलगा, आई, वडील असा बराच मोठा आप्त परिवार आहे. अनिलवर स्टेट बँक ऑफ हैदराबाद चे १ लाख ५० हजार रुपये कर्ज होते. विशेष म्हणजे वडील आंधळे असल्याने कुटुंबाचा संपूर्ण भार त्याच्याच खांद्यावर होता. मात्र, कर्जबाजारीपणामुळे नैराश्यातून त्याने हे टोकाचे पाऊल उचलून जीवन संपवले. त्याच्या या निर्णयामुळे संपूर्ण कुटुंबावर दुःखाचे डोंगर कोसळले आहे. तरुण शेतकऱ्याच्या मृत्यूने गावात हळहळ व्यक्त करण्यात येत आहे.