चुनाळा येथे विहिरीत आढळला अनोळखी इसमाचा मृतदेह

• चुनाळा येथे विहिरीत आढळला अनोळखी इसमाचा मृतदेह

आमचा विदर्भ - ब्युरो रिपोर्ट्स

राजुरा -

राजुरा तालुक्यातील चुनाळा येथील सदाशिव वडस्कर यांच्या विहिरीत एका अनोळखी इसमाचे प्रेत आढळून आले. दोन-तीन दिवसांपूर्वी हा व्यक्ती पाण्यात पडला असावा, असा त्याच्या शरिराच्या अवस्थेवरून अंदाज व्यक्त करण्यात येत असून या व्यक्तीने आत्महत्या केली की, त्याला इथे मारून टाकण्यात आले, याविषयी शंका व्यक्त करण्यात येत आहे. दिनांक 6 जूनला चुनाळा येथील सदाशिव वडस्कर यांच्या शेतातील विहिरीत प्रेत तरंगत असल्याचे दिसले. शेतमालकाला हे निदर्शनास येताच त्याने राजुरा पोलिसांना माहिती दिली. राजुरा पोलिसांनी नोंद घेत प्रेत विहिरी बाहेर काढले. या युवकाचे वय अंदाजे 26 वर्ष असावे, असा अंदाज आहे. प्रेताचे अंगावर फक्त अंतर्वस्त्र होते आणि प्रेताच्या कंबरेला दोर व टिनाचा पिपा बांधून होता आणि प्रेताचा दोर हा विहिरीचे बाहेर बांधून होता. प्रेत बाहेर काढल्यानंतर गळलेल्या अवस्थेत होते. या प्रकारामुळे हा हत्येचा प्रकार आहे. की त्याने आत्महत्या केली, याबद्दल संशय निर्माण झाला आहे. हा युवक नेमका कोण आहे, पोलिसांपुढे आव्हान असून राजुरा पोलिस हे प्रकरण कसे उघडकीस आणते, याकडे गावकऱ्यांचे लक्ष लागले आहे.