आनंदाच्या दिवस - शाळेचा पहिला दिवस

आनंदाच्या दिवस - शाळेचा पहिला दिवस

ऑर्किट इंटर नॅशनल स्कुलचे आगळेवेगळे आयोजन

पालकांनीही उत्स्पुर्तपणे सहभाग नोंदवून बालपणातील सुखद क्षणांचा घेतला अनुभव

आमचा विदर्भ - ब्युरो रिपोर्ट्स

राजुरा -

मुलांचे सामाजिक मुल्याशी नैतिकता कशी बाळगायची यांची पाया भरणी करणारे महत्वाचे स्त्रोत म्हणजे शाळा. ऑर्किट इंटर नॅशनल स्कुल राजुरा येथे प्राथमिक विभागाचा शाळेचा पहिला दिवस अगदी आगळ्या वेगळ्या पद्धतीने साजरा करण्यात आला. शाळेच्या पहिल्या दिवशी शाळेचे संचालक समीर चिल्लावार तसेच ऑर्किट इंटर नॅशनल स्कुलच्या मुख्याध्यापिका कु. सिमा आमटे, किडझीच्या मुख्याध्यापिका सौ. मोनाली गुंटीवार यांच्या हस्ते सरस्वती पुजन व दिप प्रज्वलनाने सुरुवात करण्यात आली. 

शैक्षणीक सत्र 2022-2023 मध्ये शाळेचा मुख्य उद्देश मुलांचा सर्वांगीण विकास हाच राहील असे समीर चिल्लावार यांनी आपल्या मार्गदर्शनात उल्लेखिले केले तसेच यावेळी पालकांच्या हस्ते संगणक कक्षाचे उद्घाटन समारोह करण्यात आले. शाळेचा पहिला दिवस आनंदाचा व विस्मरणीय तसेच पालकांचा व मुलांचा उल्हास वाढविण्यासाठी विविध स्पर्धाचे आयोजन करण्यात आले. यात पालकांनी उत्स्पुर्तपणे सहभाग नोंदवून बालपणातील सुखद क्षणांचा अनुभव घेतला. कार्यक्रमाचे संचालन सौ. वनिता रंगारी तर आभार नेहा शेख यांनी केले. कार्यक्रमाच्या यशस्वितेकरिता शाळेतील सर्व शिक्षक व शिक्षकेत्तर कर्मचाऱ्यांनी परिश्रम घेतले.