वर्धा नदीत मासे पकडण्यासाठी गेलेल्या दोन जणांचा बुडून मृत्यू

• वर्धा नदीत मासे पकडण्यासाठी गेलेल्या दोन जणांचा बुडून मृत्यू

डी.एस. ख्वाजा - आमचा विदर्भ जिल्हा विशेष प्रतिनिधी

चंद्रपूर / माजरी -

मासे पकडण्यासाठी गेलेल्या दोन जणांचा वर्धा नदीत बुडून मृत्यू झाल्याची दुर्दैवी घटना शनिवार दि. १४ मे ला दुपारी १२.३० वाजताच्या सुमारास  उघडकीस आली. 

मिळालेल्या माहितीनुसार चार पुरुष व एक मुलगा असे पाच जण मासे पकडण्याकरीता शनिवारी सकाळी वर्धा नदीच्या पात्रात गेले होते. मासे पकडत असताना अशोक रामपाल यादव वय ४२ वर्षे व रोहित राहुल मल्लय वय ८ वर्ष दोघेही रा. एकता नगर माजरी यांना पाण्याचा अंदाज न आल्याने ते नदीच्या डोहामध्ये बुडाले त्यात दोघांची प्राणज्योत मावळली.

घटनेची माहिती माजरी पोलिसांना देण्यात आली. पोलिसांनी घटनास्थळ गाठून शोध मोहीम राबविली यात अगोदर अशोकचा व नंतर रोहितचा मृत्यूदेह आढळून आला. पोलिसांनी मर्ग दाखल करून दोन्ही मृतदेह शव विच्छेदन करण्याकरीता उपजिल्हा रुग्णालय वरोरा येथे पाठविण्यात आले. पुढील तपास माजरीचे ठाणेदार विनीत घागे यांच्या मार्गदर्शनाखाली माजरी पोलिस करीत आहे.