गोवरी एक्सपान्शन प्रकल्पसाठी जिल्हाधिकारी सुनावणी बैठक बबन उरकुडे यांनी मांडल्या शेतकऱ्यांच्या समस्या

• शिवसेना राजुरा विधानसभा समन्वयक बबन उरकुडे यांनी मांडल्या शेतकऱ्यांच्या समस्या
• गोवरी एक्सपान्शन प्रकल्पसाठी जिल्हाधिकारी सुनावणी बैठक
• बबन उरकुडे यांनी अधिकाऱ्यांना सुनावले खडे बोल - बघा व्हिडीओ

आमचा विदर्भ - ब्युरो रिपोर्ट्स 

राजुरा -

गोवरी एक्सपान्शन प्रकल्पसाठी जिल्हाधिकारी सुनावणी बैठक आज सास्ती टाऊनशिप येथील मनोरंजन केंद्रात सकाळी ११ वाजताच्या सुमारास पार पडली. या बैठकीत निवासी उपजिल्हाधिकारी, प्रदूषण नियंत्रण मंडळाचे अधिकारी, वेकोलि महाप्रबंधक प्रकल्प अधिकारी, कार्मिक अधिकारी, क्षेत्रीय सुरक्षा अधिकारी गोवरी उपक्षेत्राचे व्यवस्थापक व गोवरी-पोवनी येथील प्रकल्पग्रस्त शेतकरी उपस्थित होते. 

या बैठकीत शिवसेना राजुरा विधानसभा समन्वयक बबन उरकुडे यांनी शेतकऱ्यांच्या समस्या मांडत वेकोलिने दिलेल्या आश्वासनाची आठवण करून दिली. प्रकल्पग्रस्तांच्या पुष्कळ समस्यांची पूर्तता अजून झाली नसून अनेक मागण्यासह अनेकदा आंदोलन झाले असून वेकोलीने लेखी आश्वासन देऊन सुद्धा अजून सेक्शन सात लावले नाही. तसेच वेकोलि सभोतालच्या परिसरातील शेतात पावसाळ्यात पाणी घुसून झालेली नुकसान या सर्व समस्या सोडवा नाहीतर जिल्हाधिकारी कार्यालयावर मोर्चा काढू असा इशारा दिला. सर्व अधिकाऱ्यांनी शेतकऱ्यांच्या समस्या एकूण घेतल्या.